హ్యాపీ బర్త్ డే బేబీ..!

బాలీవుడ్ స్టార్ హీరో రణ్ బీర్ కపూర్ పుట్టినరోజు సందర్భంగా అతని భార్య స్టార్ హీరోయిన్ అలియా భట్ స్పెషల్ బర్త్ డే విషెస్ అందించింది. సోషల్ మీడియా వేదికగా రణ్ బీర్ కు పుట్టినరోజు శుభాకాంక్షలు తెలిపిన అలియా భట్ రణ్ బీర్ తో ఉన్న ఫోటోలను షేర్ చేస్తూ మై లవ్ మై బెస్ట్ ఫ్రెండ్ మై హ్యాపీయెస్ట్ ప్లేస్ నువ్వు ఇది నా పక్కనే కూర్చుని నీ సీక్రెట్ అకౌంట్ నుంచి చూస్తున్నావని తెలుసు. హ్యాపీ బర్త్ డే బేబీ.. యు మేక్ ఇట్ ఆల్ మ్యాజికల్ అని మెసేజ్ పెట్టింది.

బాలీవుడ్ క్రేజీ కపుల్స్ లో రణ్ బీర్ కపూర్, అలియా భట్ లని చెప్పొచ్చు. ఆన్ స్క్రీన్ లో వీరిద్దరి జోడీ అలరించగా అదే జోడీ ఆఫ్ స్క్రీన్ లో కూడా అన్యోన్యంగా ఉంటున్నారు. సినిమాల పరంగా ఎంత బిజీగా ఉన్నా సరే రణ్ బీర్ అలియాలు తమకంటూ ప్రత్యేకమైన సమయాన్ని కేటాయిస్తుంటారు. ముఖ్యంగా కొన్ని ప్రత్యేకమైన రోజుల్లో మాత్రం వర్క్ ని పక్కన పెట్టి మరీ ఇద్దరు కలిసి ఎంజాయ్ చేస్తారు.

షూటింగ్స్ లో ఎంత బిజీగా ఉన్నా సరే రణ్ బీర్, అలియాలు వారికి ఉన్న తక్కువ టైం లో కూడా ఇద్దరు ఏకాంతంగా సమయాన్ని గడుపుతారు. అలియా భట్ తన సినిమాలు చేస్తుండగా రణ్ బీర్ కపూర్ కూడా వరుస సినిమాలు చేస్తున్నాడు. రణ్ బీర్ ప్రస్తుతం సందీప్ వంగ డైరెక్షన్ లో యానిమల్ సినిమా చేస్తున్నాడు. ఈ సినిమా టీజర్ రణ్ బీర్ బర్త్ డే సందర్భంగా నేడు రిలీజ్ చేశారు.

టీజర్ తోనే సినిమాపై భారీ అంచనాలు ఏర్పడేలా చేశాడు సందీప్ వంగ. ఫస్ట్ గ్లింప్స్ తోనే సూపర్ అనిపించిన రణ్ బీర్ యానిమల్ టీజర్ లో అదరగొట్టేశాడు. ఇక సినిమాలో అనీల్ కపూర్, బాబీ డియోల్ కు కూడా ఇంపార్టెంట్ రోల్స్ దొరికినట్టు అనిపిస్తుంది. రష్మిక మందన్న హీరోయిన్ గా నటించిన యానిమల్ సినిమా డిసెంబర్ 1న రిలీజ్ ఫిక్స్ చేశారు.

ఈ సినిమా హిందీతో పాటుగా సౌత్ అన్ని భాషల్లో రిలీజ్ అవుతుంది. యానిమల్ రణ్ బీర్ ఖాతాలో సెన్సేషనల్ మూవీగా నిలిచేలా ఉంది. ఆల్రెడీ బాలీవుడ్ ఆడియన్స్ ని కబీర్ సింగ్ తో సర్ ప్రైజ్ చేసిన సందీప్ రెడ్డి వంగా యానిమల్ తో మరో సంచలనం సృష్టించబోతున్నాడని చెప్పొచ్చు.