న‌టుడిపై చిన్మ‌యి లైంగిక ఆరోపణలు!
తాజాగా న‌టుడు జాన్ విజ‌య్ మ‌హిళ‌ల‌ను లైంగిక వేధింపుల‌కు గురి చేసాడ‌ని ఆరోపించింది.
గాయ‌ని చిన్మ‌యి శ్రీపాద గురించి ప్ర‌త్యేకంగా చెప్పాల్సిన ప‌నిలేదు. మ‌హిళ‌లు, చిన్నారుల‌పై జ‌రిగే దాడుల‌పై నిత్యం యుద్దం చేస్తూనే ఉంటుంది. ప్ర‌పంచంలో మహిళ‌ల‌పై ఎలాంటి లైంగిక దాడి జ‌రిగినా న్యాయం కోసం ప్ర‌శ్నించ‌డం ఆమె నైజం. సోషల్ మీడియా వేదిక‌గా త‌న గ‌ళాన్ని బ‌లంగా వినిపిస్తుంది. 'మీటూ ఉద్య‌మం' స‌మ‌యంలో ఎంతో మంది మ‌హిళ‌ల త‌రుపున పోరాటం చేసింది.
తాజాగా న‌టుడు జాన్ విజ‌య్ మ‌హిళ‌ల‌ను లైంగిక వేధింపుల‌కు గురి చేసాడ‌ని ఆరోపించింది. కొన్ని రోజుల క్రితం ఇంట‌ర్వ్యూకి వెళ్లిన ఓ మ‌హిళా జ‌ర్న‌లిస్ట్ తో సైతం అస‌భ్యంగా ప్ర‌వ‌ర్తించాడ‌ని ఆరోపించింది. అత‌డి ప్ర‌వ‌ర్త‌న ప‌ట్ల ఇంకా చాలా మంది మ‌హిళ‌లు ఇబ్బంది ప‌డ్డారు అన్న విష‌యాన్ని త‌న దృష్టికి తెచ్చిన‌ట్లు తెలిపింది. దీనికి సంబంధించిన కొన్ని స్క్రీన్ షాట్లను కూడా చిన్మ‌యి షేర్ చేసింది.
ప‌ని ప్ర‌దేశాల్లో , ప‌బుల్లో, రెస్టారెంట్ లో జాన్ విజ‌య్ మ‌హిళ‌ప‌ట్ల అస‌భ్యంగా ప్ర‌వ‌ర్తించిన‌ట్లు త‌న‌కు వ‌చ్చిన స్క్రీన్ షాట్లను షేర్ చేసింది. అయితే అత‌డి పై 2018 లో లైంగిక ఆరోపణలు తెర‌పైకి వ‌చ్చిన సంగ‌తి తెలిసిందే. అప్ప‌టి నుంచి అత‌డు పేరు ఈర‌క‌మైన వార్త‌ల్లో వినిపిస్తుంది. అయితే ఇంత‌వ‌ర‌కూ వాటికి స‌రైన ఆధార‌లు దొర‌క‌లేదు. చిన్మ‌యి కొన్ని ఆధారాలతోనూ ఆరోపణలు చేయ‌డం సంచ‌ల‌నంగా మారింది.
వీటిని ప‌రిశీలించి పోలీసులు కేసు న‌మోదు చేస్తారా? అన్న‌ది చూడాలి. జాన్ విజ‌య్ చివ‌రిగా మ‌ల‌యాళ న‌టుడు దిలీప్ న‌టించిన `తంక‌మ‌ని` చిత్రంలో విల‌న్ గా న‌టించాడు. 2017 లో వ‌చ్చిన లైంగిక ఆరోప‌ణ‌ల్లో దిలీప్ పేరు కూడా సంచ‌ల‌నంగా మారిన సంగ‌తి తెలిసిందే. ప్ర‌భాస్ హీరోగా న‌టించిన `స‌లార్` మొద‌టి భాగంలోనూ జాన్ విజ‌య్ న‌టించాడు. న‌టుడిగా ఇత‌డికి మంచి గుర్తింపు ఉంది. తాజాగా చిన్మ‌యి చేసిన ఆరోపణలు మ‌ద్ద‌తుగా కొంత‌మంది నెటి జనులు నిలుస్తున్నారు. ఇలాంటి వాళ్ల‌ను ఉరికంబం ఎక్కించాల‌ని డిమాండ్ చేస్తున్నారు.