పుష్ప 2.. నిజంగా ఓ రోల్ మోడల్

టాలీవుడ్ ఐకాన్ స్టార్ అల్లు అర్జున్ పుష్ప 2 మూవీపై రోజురోజుకు బజ్ ఎలా పెరుగుతుందో అందరికీ తెలిసిందే. సుకుమార్ దర్శకత్వంలో రూపొందుతున్న ఆ మూవీ కోసం వరల్డ్ వైడ్ గా ఉన్న బన్నీ అభిమానులు, సినీ ప్రియులు ఎంతో ఆసక్తిగా ఎదురు చూస్తున్నారు. ఫస్ట్ పార్ట్ బ్లాక్ బస్టర్ హిట్ అవ్వడంతో సీక్వెల్ పై అంతా మంచి ఎక్స్పెక్టేషన్స్ పెట్టుకున్నారు.

అదే సమయంలో మేకర్స్ చేస్తున్న ప్రమోషన్స్ కు ఊగిపోతున్నారు. పాన్ ఇండియా లెవెల్ లో మేకర్స్ నిర్వహిస్తున్న ఈవెంట్స్ కు అదిరిపోయే రెస్పాన్స్ వస్తోంది. పుష్ప మేకర్స్ ప్లాన్ కు అంతా షాక్ అయిపోతున్నారు. పాన్ ఇండియా మూవీ ప్రమోషన్స్ అంటే ఇలా ఉండాలని చెబుతున్నారు. నార్త్ టూ సౌత్.. అందరి దృష్టిని ఆకర్షించారని అంటున్నారు.

ఫ్యూచర్ లో వచ్చే పాన్ ఇండియా మూవీస్ కు పుష్ప ప్రమోషన్స్ రోల్ మోడల్ గా నిలుస్తుందని మాట్లాడుకుంటున్నారు. భారీ ఎత్తున ఖర్చు పెడుతున్నా.. దానికి తగ్గ రిజల్ట్ వస్తుందని అంటున్నారు. పాట్నాలో జరిగిన ట్రైలర్ రిలీజ్ ఈవెంట్ కు వచ్చిన రెస్పాన్స్ చూస్తేనే మూవీ నేషనల్ వైడ్ హిట్ అని అంతా ఫిక్స్ అయ్యారని చెబుతున్నారు.

చెన్నై, కొచ్చి ఈవెంట్స్ సక్సెస్ అయిన విషయం అబ్జర్వ్ చేస్తే.. పుష్ప కోసం అంతా ఈగర్ గా వెయిట్ చేస్తున్నారని చెప్పడంలో ఎలాంటి డౌట్ అక్కర్లేదని అంటున్నారు. అయితే మేకర్స్ ఇంకా ముంబై, బెంగళూరు, హైదరాబాద్ లో ఈవెంట్స్ నిర్వహించాల్సి ఉంది. తాజాగా తెలుగు ఈవెంట్ కు వెన్యూ ఫిక్స్ అయినట్లు తెలుస్తోంది.

డిసెంబర్ 1న ఈవెంట్ ను హైదరాబాద్ లో నిర్వహించుకునేలా తెలంగాణ పోలీసులు అనుమతి ఇచ్చినట్లు సమాచారం. మల్లారెడ్డి కాలేజీ ఆవరణలో మేకర్స్ ఈవెంట్ ను నిర్వహించనున్నారని ఇప్పుడు టాక్ వినిపిస్తోంది. అందుకు సంబంధించిన ఏర్పాట్లు కూడా జరుగుతున్నట్లు ఇండస్ట్రీ వర్గాల్లో ప్రచారం జరుగుతోంది.

అయితే పుష్ప రిలీజ్ దగ్గరపడుతున్న వేళ.. సుకుమార్, దేవిశ్రీ సహా పలువురు టెక్నీషియన్స్ నిద్రలేని రాత్రులు గడుపుతున్నట్లు టాక్ వినిపిస్తోంది. దీంతో సుకుమార్ బిజీ వర్క్స్ వల్ల ప్రమోషనల్ ఈవెంట్స్ లో కనపడడం లేదు. కానీ తెలుగు ఈవెంట్ కు మాత్రం సుక్కూ రానున్నట్లు తెలుస్తోంది. దీంతో ఆయన స్పీచ్ తర్వాత పుష్ప-2 పై ఉన్న బజ్.. మరో రేంజ్ కు వెళ్లడం పక్కా అని చెప్పాలి.