పవన్ బర్త్ డే.. ఒక్క ట్వీట్ తో ఇచ్చి పడేసిన బన్నీ

చాలా కాలంగా సోషల్ మీడియాలో బన్నీ ఆర్మీ, మెగా అభిమానుల మధ్య కోల్డ్ వార్ నడుస్తోన్న సంగతి తెలిసిందే. ఎన్నికల సమయంలో వైసీపీ ఎమ్మెల్యే అభ్యర్థి శిల్ప రవిచంద్ర కిషోర్ రెడ్డికి బన్నీ సపోర్ట్ గా చేయడంతో మొదలైన వివాదం అంతకంతకు పెరిగింది. పవన్ కళ్యాణ్ ఆ మధ్య బెంగుళూరులో జరిగిన ఓ ప్రెస్ మీట్ లో చేసిన కామెంట్స్ వైరల్ అయ్యాయి. పవన్ కళ్యాణ్ అల్లు అర్జున్ ని ఉద్దేశించి విమర్శించారని బన్నీ ఫ్యాన్స్ సోషల్ మీడియాలో రియాక్ట్ అయ్యారు.

దీనికి వైసీపీ కార్యకర్తలు తోడు కావడంతో మెగా వెర్సస్ అల్లు వివాదం పెద్దదైంది. కొద్ది రోజుల క్రితం బన్నీ మారుతీనగర్ సుబ్రహ్మణ్యం ప్రీరిలీజ్ ఈవెంట్ లో నచ్చిన వాళ్ళ కోసం ఎంతదూరమైనా వస్తా అంటూ చేసిన కామెంట్స్ మెగా ఫ్యాన్స్ కి కౌంటర్ గా అన్నారనే టాక్ వినిపించింది. ఈ వివాదంపై ఇటు మెగా, అటు అల్లు ఫ్యామిలీ నుంచి ఎవరూ స్పందించలేదు.

బన్నీ ఇంటెన్షన్ అయితే అది కాదని మరికొందరు బలంగా చెప్పారు. అయినప్పటికీ లైన్ లోకి పలువురు జనసేన నాయకులు కూడా రావడంతో వివాదం మరింత పెద్దదైంది. ఇదిలా ఉంటే పవన్ కళ్యాణ్ బర్త్ డే సందర్భంగా ఐకాన్ స్టార్ అల్లు అర్జున్ ట్వీట్ చేశారు. ఇందులో పవన్ కళ్యాణ్ కి బర్త్ డే విషెస్ చెప్పారు.

పవర్ స్టార్, డిప్యూటీ సీఎం పవన్ కళ్యాణ్ గారికి పుట్టిన రోజు శుభాకాంక్షలు అని అల్లు అర్జున్ ట్వీట్ చేశారు. ఈ ఒక్క ట్వీట్ తో అల్లు అర్జున్, పవన్ కళ్యాణ్ మధ్య దూరం పెరిగిందంటూ జరిగిన ప్రచారానికి బన్నీ ఎండ్ కార్డ్ పెట్టాడనే మాట వినిపిస్తోంది. ఒక్క ట్వీట్ తో మెగా వెర్సస్ అల్లు వివాదాన్ని సోషల్ మీడియాలో పెద్దది చేసి రాజకీయ ప్రయోజనాలకి వాడుకుంటున్న వారికి ఐకాన్ స్టార్ తన స్టైల్ లో ఇచ్చిపడేసాడని మెగా ఫ్యాన్స్ అంటున్నారు.

ఎప్పటికి మెగా, అల్లు హీరోల మధ్య గొడవలు సృష్టించలేరని సోషల్ మీడియాలో వారి సపోర్టర్స్ ట్వీట్ లు చేస్తున్నారు. అల్లు అర్జున్ పవన్ కళ్యాణ్ కి బర్త్ డే విషెస్ చెప్పడంతో జనసైనికులు, పవర్ స్టార్ అభిమానులలో ఉన్న అసంతృప్తి తగ్గి ఉంటుందనే మాట ఇప్పుడు వినిపిస్తోంది. గతంలోనే చాలాసార్లు అల్లు అర్జున్ కు అండగా ఉన్న విషయాన్ని కూడా ఈ సందర్భంగా గుర్తు చేస్తున్నారు.