ధూమ్ కోసం తెగించేస్తానంటోన్న హీరోయిన్!

'ధూమ్' సిరిస్ లో ఛాన్స్ కోసం ఎంత మంది హీరోయిన్లు పోటీ ప‌డుతున్నారో చెప్పాల్సిన ప‌నిలేదు. స్టార్ హీరోయిన్ల ద‌గ్గ‌ర నుంచి యువ నాయిక‌ల వ‌ర‌కూ అంతా ధూమ్ లో ఛాన్స్ కోసం క్యూలో ఉన్నారు. 'ధూమ్' ప్రాంచైజీ అంటే మార్కెట్ లో ఓ బ్రాండ్ గా మార‌డంతోనే ఆ రేంజ్ లో క్రేజ్ ఏర్ప‌డింది. ఇషా డియో ల్..రిమిసేన్.. ఐశ్య‌ర్యారాయ్..బిపాసా బ‌సు.. క‌త్రినా కైఫ్ లాంటి వారి కెరీర్ లో ధూమ్ ప్ర‌త్యేక ప్రాంచైజీగా నిల‌వ‌డంతోనే ఈ ర‌క‌మైన బ‌జ్ క్రియేట్ అయింది.

అలాంటి యాక్షన్ ప్రాంచైజీ ఒక‌టి చేస్తే చాలు పాన్ ఇండియాలో విప‌రీత‌మైన క్రేజ్ కి ఛాన్స్ ఉంటుంది. పైగా ఆ సిరిస్ లో న‌టించే హీరోలంతా కూడా సూప‌ర్ స్టార్లే. జాన్ అబ్ర‌హం...హృతిక్ రోష‌న్...అభిషేక్ బ‌చ్చ‌న్.. అమీర్ ఖాన్ లాంటి సూప‌ర్ హీరోలు న‌టించ‌డంతో ప్ర‌త్యేక‌మైన ఇమేజ్ క్రియేట్ అయింది. ఆ రేంజ్ ఉన్న హీరోతో ఒక్క సినిమా చేసిన నాలు అనుకున్న భామ‌లెంతో మంది. ప్ర‌స్తుతం ధూమ్-4 కి సంబంధించి యాష్ రాజ్ ఫిల్మ్స్ స‌న్నాహాలు చేస్తోన్న సంగ‌తి తెలిసిందే.

ఈ సిరీస్ కి ద‌ర్శ‌క‌త్వ వ‌హించేది ఎవ‌రు? హీరో ఎవ‌రు? విల‌న్ ఎవ‌రు? ఎప్పుడు ప్రారంభం అవుతుంది వంటి ఏ క్లారిటీ లేక‌పోయినా క్యూలో చాలా మంది హీరోయిన్లు ఉన్నారు. వాళ్ల‌లో నేను ఉన్నానంటూ ముందుకొచ్చింది యువ నాయిక అన‌న్యా పాండే. ధూమ్ సినిమా అంటే త‌న‌కెంత ఇష్ట‌మో రివీల్ చేసింది. ఆ సిరీస్ లో న‌టించే ఛాన్స్ వ‌స్తే వ‌దులుకోన‌ని...ఎలాంటి సాహ‌సాల‌కైనా తెగిస్తాన‌ని చెప్పింది.

అలాంటి సినిమా కోసం ఎంత చేసినా త‌క్కువే అవుతుంది..అది కేవ‌లం 'దూమ్' కి మాత్ర‌మే సాధ్య‌మ వుతుంద‌ని అంది. మ‌రి ఈ ఛాన్స్ ఎవ‌రికి వ‌రిస్తుంది? అన్న‌ది చూడాలి. ఇప్ప‌టికే దీపికా ప‌దుకొణే పేరు ప్ర‌ధానంగా వినిపిస్తుంది. ఐశ్వ‌ర్యారాయ్ త‌ర్వాత ఆ రేంజ్ ఉన్న హీరోయిన్ ఎవ‌రు? ఈసిరీస్ లో న‌టించ‌ని సీనియ‌ర్ భామ ఎవ‌రైనా మిగిలారా? అంటే దీపిక పేరు చెప్పొచ్చు. ఆ సిరీస్ అన్ని ర‌కాలుగానూ దీపిక అర్హురాలు.