యానిమాల్.. సైలెన్స్ తో భయపెట్టే క్యారెక్టర్!

సందీప్ రెడ్డి వంగా దర్శకత్వంలో రాబోతున్న యానిమల్ సినిమా అటు బాలీవుడ్ లోనే కాకుండా సౌత్ ఇండియాలో కూడా మంచి హైప్ అయితే క్రియేట్ చేసుకుంటుంది. ముఖ్యంగా తెలుగు ఆడియోన్స్ అయితే సందీప్ రెడ్డి నుంచి వస్తున్న రెండవ సినిమా కావడంతో ఈ సినిమాపై కోసం ఎంతో ఆత్రుతగా ఎదురుచూస్తున్నారు అని చెప్పవచ్చు.

మొదటి సినిమా అర్జున్ రెడ్డిని బాలీవుడ్ రీమేక్ చేసి సాలిడ్ సక్సెస్ చూసిన ఈ దర్శకుడు యానిమల్ సినిమాలో అంతకుమించి అనేలా కిక్ ఇవ్వబోతున్నట్లుగా ప్రచారాలు మొదలైపోయాయి. అయితే ఈ సినిమాలో హీరో క్యారెక్టర్ ఎలా ఉండబోతుందో ఇప్పటికే టీజర్ తో అలాగే పోస్టర్ సాంగ్స్ తో కూడా అర్థమయిపోయింది.

ఎప్పటిలానే దర్శకుడు హీరో పాత్రను తనదైన శైలిలో ప్రజెంట్ చేస్తున్నట్లు తెలుస్తోంది. ఇక హీరోయిన్ రష్మిక క్యారెక్టర్ గురించి కూడా ఒక సాంగ్ ద్వారానే క్లారిటీ ఎచ్చరి. ఇంకా వీరి మధ్యలో ఉండే రొమాన్స్ కూడా సినిమాలో హైలెట్ కాబోతొందట. హీరో అయితే ఒకవైపు తండ్రి కోసం మరొకవైపు ప్రియుడిగా అలాగే తమ కుటుంబాన్ని కాపాడుకునే రక్షకుడిగా రణబీర్ కనిపించబోతున్నాడు.

తండ్రి కోసం ఎంతవరకు అయినా వెళ్లే అతని క్యారెక్టర్ చాలా వైల్డ్ గా ఉంటుందని కూడా చెప్పేశారు. అయితే ఇంతకంటే పవర్ఫుల్ గా విలన్ క్యారెక్టర్ ఉందట. ఆ రేంజ్ లో దర్శకుడు హైలెట్ చేసినట్లుగా తెలుస్తుంది. ఈ సినిమాలో విలన్ గా బాబీ డియోల్ నటించాడు. అయితే అతను ఒక గ్యాంగ్ స్టర్ గా చాలా భయంకరమైన విలన్ గా కనిపిస్తాడట. అంతే కాకుండా ఈ సినిమాలో అతనికి ఒక్క డైలాగ్ కూడా ఉండదట మౌనంగానే క్రూరత్వాన్ని చూపించి.. హీరోను సైతం ఎదుర్కొనే విధంగా ఉంటుందట

అలాంటి పాత్ర ఇప్పటివరకు నెవ్వర్ బిఫోర్ అనేలా ఉంటుంది అని తెలుస్తోంది. దర్శకుడు ఆ పాత్ర కోసమే చాలా జాగ్రత్తలు కూడా తీసుకున్నట్లు సమాచారం.మరి అలాంటి పవర్ ఫుల్ విలన్ ను హీరో ఏ విధంగా ఎదుర్కొంటాడు అనేది సినిమాకు మేజర్ ప్లస్ పాయింట్ గా నిలుస్తుంది అని చెప్పవచ్చు. ఇక యానిమాల్ సినిమా రెండు తెలుగు రాష్ట్రాల్లో కూడా మంచి బిజినెస్ చేసినట్లు సమాచారం. ఇక రేపు విడుదల కాబోయే ట్రైలర్ ద్వారా ఈ సినిమా ద్వారా విలన్ క్యారెక్టర్ పై మరింత క్లారిటీ వచ్చే ఛాన్స్ ఉంది.