టాలీవుడ్ పై దండెత్తిన యానిమల్

సందీప్ రెడ్డి వంగా దర్శకత్వంలో రణబీర్ కపూర్ హీరోగా నటించిన యానిమల్ సినిమా బాక్సాఫీస్ కలెక్షన్స్ లో దూసుకుపోతోంది. బాలీవుడ్ లో ఈ ఏడాది పఠాన్, జవాన్ తర్వాత హైయెస్ట్ కలెక్షన్స్ మూవీగా నిలిచింది. ఇప్పటికే 700 కోట్లకి పైగా ప్రపంచ వ్యాప్తంగా ఈ చిత్రం కలెక్ట్ చేసింది. ఇదిలా ఉంటే సలార్, డంకీ రిలీజ్ వరకు చెప్పుకోదగ్గ సినిమాలు ఏవీ కూడా రిలీజ్ కావడం లేదు.

దీంతో యానిమల్ జోరు మరికొంతకాలం కొనసాగే అవకాశం ఉంది. ఇక యానిమల్ సినిమా తెలుగు రాష్ట్రాలలో కూడా రికార్డ్ స్థాయిలో కలెక్షన్స్ కొల్లగొట్టింది. తెలుగులో అత్యధిక కలెక్షన్స్ అందుకున్న బూలీవుడ్ సినిమాలలో మూడో స్థానంలో యానిమల్ నిలిచింది. ఇప్పటి వరకు పఠాన్, జవాన్ సినిమాలు అత్యధిక కలెక్షన్స్ అందుకున్న సినిమాలుగా ఉన్నాయి. ఇప్పుడు యానిమల్ వాటిని బీట్ చేసి ఏకంగా 73 కోట్ల కలెక్షన్స్ ని అందుకుంది. .

నాన్ తెలుగు సినిమాల రికార్డులు చూసుకుంటే అవతార్: ది వే ఆఫ్ వాటర్, జవాన్ సినిమాలు వరుసగా టాప్ గ్రాసర్ మూవీస్ గా ఉన్నాయి. ఈ సినిమాలు షేర్ పరంగా కూడా బెస్ట్ కలెక్షన్స్ అందుకున్నాయి. అవతార్ 70 కోట్ల షేర్ రాబడితే, జవాన్ 68 కోట్లు కలెక్ట్ చేసింది. యానిమల్ వీటిని బీట్ చేసింది. ఓవరాల్ గా ఈ ఏడాది హైయెస్ట్ షేర్ అందుకున్న సినిమాల జాబితా చూసుకుంటే యానిమల్ మూడో స్థానంలో ఉంది.

ఈ ఏడాది వాల్తేర్ వీరయ్య, ఆదిపురుష్ సినిమాలు వంద కోట్ల షేర్ ని అందుకున్నాయి. వీటి తర్వాత యానిమల్ నిలిచింది. లాంగ్ రన్ లో యానిమల్ కలెక్షన్స్ మరింత పెరిగి 90 నుంచి 100 కోట్ల వరకు చేరే అవకాశం ఉందని ట్రేడ్ పండితులు చెబుతున్నారు. అదే జరిగితే బాలీవుడ్ నుంచి వచ్చి తెలుగులో హైయెస్ట్ కలెక్షన్స్ అందుకున్న చిత్రంగా యానిమల్ నిలుస్తుంది.

మరి ఇప్పట్లో ఏ బాలీవుడ్ సినిమా కూడా ఈ ఫీట్ ని అందుకునే అవకాశం ఉండదు. ఈ రికార్డ్ ఎంత వరకు సాధ్యం అవుతుందనేది వేచి చూడాలి. ఇంకా సలార్ రిలీజ్ కి వారం రోజులు ఉంది. ఎంత కలెక్ట్ చేసిన ఈ వారంలోనే అందుకోవాల్సి ఉంటుంది.