యానిమల్ 4వ రోజు.. ఎంత వచ్చాయంటే..

రణబీర్ కపూర్ సందీప్ రెడ్డి కాంబినేషన్ లో వచ్చిన యానిమల్ సినిమా బాక్స్ ఆఫీస్ వద్ద సరికొత్త రికార్డులను అందుకునే ప్రయత్నం చేస్తుంది. ఈ సినిమా విడుదలకు ముందే ఊహించని స్థాయిలో అడ్వాన్స్ బుకింగ్స్ తో ఒక సెన్సేషన్ క్రియేట్ చేసింది. ఇక విడుదల తర్వాత కూడా అంతకుమించి అనేలా దూసుకుపోతోంది. వీకెండ్ లోనే 360 కోట్ల రేంజ్ లో కలెక్షన్స్ సొంతం చేసుకున్న యానిమల్ వీకెండ్ తర్వాత కూడా అదే తరహాలో కలెక్షన్స్ అందుకునే ప్రయత్నం చేస్తుంది.

సోమవారం ఈ సినిమా కలెక్షన్ చాలా వరకు తగ్గుతాయని అందరూ అనుకున్నారు. కానీ అందుకు భిన్నంగా సినిమా మంచి జోష్ తో కనిపిస్తోంది. సినిమాలో రణబీర్ కపూర్ యాక్టింగ్ అలాగే సందీప్ సరికొత్త స్క్రీన్ ప్లే ఆడియన్స్ ను ఎంతగానో ఎట్రాక్ర్ చేస్తోంది సినిమాపై ఎంత నెగిటివ్ టాక్ ఉన్నప్పటికీ కూడా ప్రభావం కలెక్షన్స్ పై పడలేదు. దానికి తోడు నెగిటివ్ రివ్యూలు కూడా ఈ సినిమాను ఏమాత్రం డామేజ్ చేయలేదు.

మొత్తానికి యానిమల్ సినిమా ఊహించిన దాని కంటే ఎక్కువ స్థాయిలోనే కలెక్షన్స్ అందుకుంటూ ఉంటోంది. ఇక ఈ సినిమాకు సంబంధించిన నాలుగవ రోజు కలెక్షన్స్ కూడా చాలా గట్టిగానే వచ్చాయి. మొత్తంగా సోమవారం కలెక్షన్స్ తో కలిపి నాలుగు రోజుల్లో ప్రపంచవ్యాప్తంగా యానిమల్ సినిమా 425 కోట్ల గ్రాస్ కలెక్షన్స్ సొంతం చేసుకుంది.

ఈ విషయాన్ని చిత్ర యూనిట్ అధికారికంగా ఒక పోస్టర్ ద్వారా కూడా విడుదల చేసింది. చూస్తూ ఉంటే ఈ సినిమా మంగళవారం రోజు 500 కోట్ల టార్గెట్ ను అందుకునే అవకాశం కూడా ఉంది. ఈ లెక్కతో సినిమా వెయ్యి కోట్ల అందుకోవడానికి కూడా దూసుకుపోతుంది అనడంలో ఎలాంటి సందేహం లేదు. యానిమల్ సినిమాతో రణబీర్ కపూర్ గతంలో ఎప్పుడూ లేనంత స్థాయిలో గుర్తింపు అందుకున్నాడు.

అంతే కాకుండా ఇప్పుడు అనిమల్ ద్వారా అతని మార్కెట్ కూడా అమంతంగా పెరిగిపోయింది. తెలుగులో కూడా ఇప్పుడు ఈ సినిమాకు మంచి కలెక్షన్స్ అయితే వస్తున్నాయి. పెట్టిన పెట్టుబడిని నిర్మాత దిల్ రాజు రెండు రోజుల్లోనే వెనక్కి తెచ్చుకున్నాడు. ప్రస్తుతం 5 కోట్ల ప్రాఫిట్ తో రెండు తెలుగు రాష్ట్రాల్లో ఈ సినిమా కొనసాగుతోంది.