యానిమాల్ అమెరికా దడ.. బ్లాస్ట్ అయ్యేలా..

బాలీవుడ్ టాలెంటెడ్ హీరో రణబీర్ కపూర్ తన ప్రతి సినిమాతో కూడా మార్కెట్లో విడుదలకు ముందే ఊహించని స్థాయిలో క్రేజ్ అయితే క్రియేట్ చేస్తూ ఉంటాడు. ఇక ఈసారి యానిమల్ సినిమా పై కూడా అంచనాలు అంతకుమించి అనేలా క్రియేట్ అవుతున్నాయి. తెలుగు దర్శకుడు సందీప్ రెడ్డి వంగ దర్శకత్వంలో రూపొందిన యానిమల్ సినిమా డిసెంబర్ 1వ తేదీన ప్రపంచవ్యాప్తంగా విడుదల కాబోతోంది.

ఇక ఇప్పటికే చిత్ర యూనిట్ సభ్యులు ప్రమోషన్స్ కూడా స్టార్ట్ చేశారు. ఎక్కడ తగ్గకుండా సినిమా కంటెంట్ జనాలకు కనెక్ట్ అయ్యే విధంగా అప్డేట్స్ కూడా వదులుతున్నారు. ఇక ఈ సినిమా కేవలం ఇండియాలో కాకుండా ఓవర్సీస్ మార్కెట్లో కూడా గట్టిగానే ప్రభావం చూపించబోతున్నట్లు అర్థమవుతుంది.

రణబీర్ కపూర్ ఎలాంటి సినిమా చూసినా కూడా ఓవర్సీస్ మార్కెట్లో మొదట్లోనే రికార్డులు బ్లాస్ట్ అవుతూ ఉంటాయి. ఇక ఈసారి యానిమల్ కూడా అదే తరహాలో రికార్డులు క్రియేట్ చేసేలా వాతావరణం క్రియేట్ చేస్తోంది. ముఖ్యంగా ఈ సినిమా నార్త్ అమెరికాలో ఎక్కువ స్క్రీన్ లలో విడుదల అవుతూ ఉండడం విశేషం. దాదాపు 888 కు పైగా స్క్రీన్ లలో డిసెంబర్ 30వ తేదీన ప్రీమియర్స్ ప్రదర్శించబోతున్నారు.

మొదట ఈ రేంజ్ లో సినిమా విడుదల కాదేమో అని అనుకున్నారు. కానీ ప్రమోషన్స్ కు మంచి క్రేజ్ వస్తూ ఉండడంతో థియేటర్ల లెక్క ఇంకా పెరుగుతూనే ఉంది. ఇక ఏ మాత్రం పాజిటివ్ టాక్ వచ్చినా కూడా ఈ సినిమా ప్రీమియర్స్ తోనే ఒక సెన్సేషన్ క్రియేట్ చేసే అవకాశం అయితే ఉంది. అంతే కాకుండా సందీప్ రెడ్డివంగాకు కూడా ఓవర్సీస్ లో మంచి డిమాండ్ అయితే ఉంది.

ఇక అతని దర్శకత్వంలో వస్తున్న మరొక డిఫరెంట్ సినిమా కాబట్టి తప్పకుండా డాలర్ల వర్షం కురిసే అవకాశం అయితే ఉంది. ఇక ఈ సినిమాలో రష్మిక మందన మెయిన్ హీరోయిన్ కనిపిస్తోంది. బాలీవుడ్ స్టార్ నటుడు అనిల్ కపూర్ హీరో తండ్రి పాత్రలో కనిపిస్తూ ఉండగా మరి కొంతమంది బాలీవుడ్ యాక్టర్స్ ఈ సినిమాలో ప్రత్యేకమైన పాత్రలలో కనిపించబోతున్నారు. ఈ సినిమా బాక్సాఫీస్ వద్ద మొదటి రోజు ఎలాంటి కలెక్షన్స్ అందుకుంటుందో చూడాలి.