జూనియర్ ను డామినేట్ చేసిన అనిరుధ్ !

జూనియర్ ఎన్టీఆర్ నటిస్తున్న 'దేవర' మూవీ నుండి అనిరుధ్ సంగీత సారధ్యంలో రామజోగయ్య శాస్త్రి రచించిన 'దూకే ధైర్యమా జాగ్రత్త.. దేవర ముంగిట నువ్వెంత” అన్న పాట విడుదలైంది. విడుదలైన 13 గంటల్లో 2.6 మిలియన్ వ్యూవ్స్ రాబట్టింది.

అందరినీ ఆకట్టుకుంటున్న 3.17 సెకన్ల నిడివిగల ఈ పాటలో జూనియర్ ఎన్టీఆర్ కన్నా మ్యూజికల్ డైరెక్టర్ అనిరుధ్ ఎలివేషన్ ఎక్కువగా ఉందన్న వాదన వినిపిస్తుంది. పాటలో ఎక్కువ సార్లు అనిరుధ్ కనిపించగా, తక్కువగా ఎన్టీఆర్ ఉన్న దృశ్యాలు ఉన్నాయి.

కొరటాల శివ దర్శకత్వంలో రూపుదిద్దుకుంటున్న ఈ సినిమాలో ఎన్టీఆర్ సరసన బాలీవుడ్ నటి, అలనాటి అందాలతార శ్రీదేవి కూతురు జాన్వీ కపూర్ నటిస్తుంది. బాలీవుడ్ స్టార్ సైఫ్ అలీఖాన్ విలన్ గా నటిస్తున్నారు. మే 20 ఎన్టీఆర్ పుట్టినరోజు సందర్భంగా ఒకరోజు ముందు ఈ పాటను విడుదల చేశారు.