నితిన్ కోసం అగ్ర దర్శకుడు..!

యూత్‌ స్టార్‌ నితిన్‌ - 'మహానటి' కీర్తి సురేష్‌ కాంబినేషన్ లో రూపొందుతున్న సినిమా ''రంగ్ దే''. వెంకీ అట్లూరి దర్శకత్వం వహిస్తున్న ఈ రొమాంటిక్ అండ్ ఫ్యామిలీ ఎంటర్టైనర్ ని మార్చి 26న ప్రేక్షకుల ముందుకు తీసుకొస్తున్నారు. రిలీజ్ డేట్ దగ్గర పడుతుండటంతో చిత్ర యూనిట్ ప్రమోషన్‌ కార్యక్రమాలను వేగవంత్రివిక్రమ్ శ్రీనివాస్ తం చేశారు. నిన్న శుక్రవారం కర్నూల్ లో చిత్ర ట్రైలర్‌ లాంచ్ ఈవెంట్ నిర్వహించారు. ఈ క్రమంలో రేపు మార్చి 21న హైదరాబాద్ లో ప్రీ రిలీజ్ ఈవెంట్ చేయడానికి ప్లాన్ చేశారు.

మాదాపూర్ శిల్పకళావేదికలో రేపు ఆదివారం సాయంత్రం జరగనున్న 'రంగ్ దే' ప్రీ రిలీజ్ ఈవెంట్ కు టాలీవుడ్ అగ్ర దర్శకుల్లో ఒకరైన త్రివిక్రమ్ శ్రీనివాస్ చీఫ్ గెస్టుగా హాజరుకానున్నారని చిత్ర యూనిట్ వెల్లడించింది. ఇక మార్చి 24న రాజమండ్రిలో గ్రాండ్ రిలీజ్ ఫంక్షన్ నిర్వహించడానికి మేకర్స్ ఏర్పాట్లు చేస్తున్నారు. ఈ చిత్రాన్ని పీడీవీ ప్రసాద్ సమర్పణలో సితార ఎంటర్టైమెంట్స్ బ్యాన‌ర్‌ పై సూర్య‌దేవ‌ర నాగ‌వంశీ నిర్మిస్తున్నారు. ఇప్పటికే విడుదలైన 'రంగ్ దే' టీజర్ - ట్రైలర్ - సాంగ్స్ విశేష స్పందన తెచ్చుకున్నాయి.

ఈ చిత్రంలో సీనియర్ నరేష్ - వినీత్ - రోహిణి - కౌసల్య - బ్రహ్మాజీ - వెన్నెల కిషోర్ - సత్యం రాజేష్ - అభినవ్ గోమటం - సుహాస్ - గాయత్రి రఘురామ్ తదితరులు ఇతర పాత్రలు పోషిస్తున్నారు. రాక్ స్టార్ దేవిశ్రీప్రసాద్ సంగీతం సమకూరుస్తున్నారు. లెజెండరీ సినిమాటోగ్రాఫర్ పీసీ శ్రీరామ్ సినిమాటోగ్రఫీ అందిస్తుండగా.. కొల్లా అవినాష్ ఆర్ట్ డైరెక్టర్ గా వర్క్ చేశారు. నవీన్ నూలి ఎడిటింగ్ బాధ్యతలు నిర్వర్తిస్తున్నారు.