హిరాణీకి షాక్ ఇచ్చిన అమీర్ ఖాన్..

రాజ్ కుమార్ హిరాణీ.. బాలీవుడ్ లో ఎంతో క్రియేటివిటీ ఉన్న దర్శకుడీయన.. సామాజిక అంశాలను తెరపై కమర్షియల్ గా చూపించడంలో దేశంలోనే నంబర్ 1 డైరెక్టర్.. మన రాజమౌళికి కూడా ఫేవరేట్ దర్శకుడు ఈయన.. మున్నాభాయ్ ఎంబీబీఎస్ సినిమాలతో పాటు పీకే, త్రీ ఇడియట్స్ లాంటి బాలీవుడ్ బ్లాక్ బస్టర్ సినిమాలు ఆయన ఖాతాలో ఉన్నాయి.. తాజాగా రాజ్ కుమార్ హిరాణీ తెరకెక్కిస్తున్న మూవీ ‘సంజు’. బాలీవుడ్ అగ్రహీరో సంజయ్ దత్ జీవితగాథ ఆధారంగా తెరకెక్కుతున్న ఈ మూవీ గురించి ఓ ఆసక్తికర వార్త బయటకు వచ్చింది.

తాజాగా సంజు టీజర్ రిలీజ్ అయ్యింది. ఈ సినిమాలో సంజయ్ దత్ పాత్రలో రణబీర్ కపూర్ నటిస్తున్నారు. అయితే సంజు చిత్రం కోసం మిస్టర్ పర్ ఫెక్షనిస్ట్ అమీర్ ఖాన్ ను   అడిగాడట హిరాణీ. కానీ అతడికి ఆఫర్ చేసింది సంజయ్ దత్ క్యారెక్టర్ కాదట.. అతడి తండ్రి సునీల్ దత్ పాత్ర అట.. హిరాణితో ఉన్న స్నేహం దృష్ట్యా ఈ పాత్ర విషయంలో కొంచెం ఆలోచించాడట అమీర్ ఖాన్.. హీరో పాత్ర కాకపోవడం.. పైగా రణబీర్ కపూర్ తండ్రి పాత్ర అనగానే సినిమా చేయడానికి వెనక్కి తగ్గాడట అమీర్..

రణబీర్ తండ్రి పాత్రలో తాను సూట్ అవ్వనని.. కాబట్టి ఈ పాత్ర తాను చేయలేనని అమీర్ ఖాన్ తెలిపాడట.. హిరాణీ అంటే ఎంతో ఇష్టం చూపే అమీర్ ఖాన్ ఆయన సినిమాలోని పాత్రను చేయనని చెప్పడం .. అన్ని రకాల పాత్రలూ అందరికీ సూట్ కావు అని తెలిపి హిరాణీకి షాక్ ఇచ్చాడట..