డేర్ డెవిల్ సవ్యసాచి

హీరోయిన్ సమంతతో పెళ్లికి ముందుగా నాగచైతన్య యాక్షన్ ఓరియంటెడ్ ఫిలిం యుద్ధం శరణం చేశాడు. సినిమాలో యాక్షన్ సీన్లు బాగానే ఉన్నా కథ రొటీన్ అయిపోయేసరికి అదేమో బాక్సాఫీసును ఏ మాత్రం ఆకట్టుకోలేకపోయింది. సినిమా రిలీజ్ అయిన కొద్దిరోజులకే సమంతను పెళ్లి చేసుకుని కాస్త షూటింగులకు గ్యాపిచ్చాడు. కొద్దిరోజుల్లోనే తిరిగొచ్చి ప్రేమమ్ ఫేం చందు మొండేటితో సవ్యసాచి షూటింగ్ మొదలుపెట్టేశాడు.

సవ్యసాచి సినిమాను కూడా డైరెక్టర్ చందు మొండేటి యాక్షన్ ఓరియంటెడ్ గానే తీర్చిదిద్దుతున్నాడు. ఇందులో నాగచైతన్య కొన్ని ప్రత్యేక శక్తులున్న వ్యక్తిగా కనిపించబోతున్నాడు. అందుకు తగ్గట్టే అతడిని డేర్ డెవిల్ లా చూపించబోతున్నాడని సవ్యసాచి టీం చెబుతోంది. ఈ సినిమాలో ఆరు మేజర్ యాక్షన్ ఎపిసోడ్స్ ఉంటాయని.. అవన్నీ ప్రేక్షకులను కట్టిపడేసేలా ఉంటాయని.. వాటిని ఓ రేంజిలో తీస్తున్నారని సినిమా యూనిట్ సభ్యులు అంటున్నారు. మూవీలో ఈ యాక్షన్ సీన్స్ హైలైట్  గా నిలుస్తాయనే నమ్మకంగా ఉన్నారు. దీనికితోడు ఈ సినిమాలో నెగిటివ్ రోల్ ను మాధవన్ చేస్తున్నాడు. హీరోను ఢీకొట్టే బలమైన విలన్ గా అతడు కూడా మరింత మెప్పిస్తాడని అంటున్నారు.

ఈ యాక్షన్ ఎపిసోడ్స్ కోసం సినిమా ప్రొడక్షన్ హౌస్ మైత్రి మూవీ మేకర్స్ భారీ మొత్తమే వెచ్చిస్తోందని తెలుస్తోంది. చైతు కెరీర్ లో యాక్షన్ సన్నివేశాల కోసం ఇంత రేంజిలో వెచ్చించడం ఇదే ప్రథమం. లవ్ స్టోరీలతో గుర్తుంచుకోదగిన హిట్లు కొట్టిన చైతుకు మాస్ ఎంటర్ టెయినర్లలో హిట్ ఇంతవరకు అందని ద్రాక్షగానే ఉంది. చూస్తుంటే సవ్యసాచి అతడి ఆశలు నెరవేర్చేలా ఉన్నాడు. లెట్స్ వెయిట్ అండ్ సీ.