శంకర్ పై శ్రీరెడ్డి సంచలన వ్యాఖ్యలు

దాదాపు రెండు నెలల క్రితం అటు టీవీ న్యూస్ చానెల్స్ లోను - ఇటు సోషల్ మీడియాలో శ్రీ రెడ్డి నే కనిపించేది. ఆమె చేసిన ఆరోపణలు ఒక రేంజిలో టాలీవుడ్ లో ప్రకంపనలు సృష్టించాయి. పవన్ కళ్యాణ్ ని తిట్టిన తరువాత నుండి ఈఏమే కేవలం సోషల్ మీడియాకే పరిమితయిపోయింది. అయితే మళ్ళీ ఒక కమెడియన్ పైన కామెంట్లు చేసి వార్తల్లోకి ఎక్కింది.

జబర్దస్త్ కమెడియన్ షకలక శంకర్ ఈ మధ్యనే 'శంభో శంకర' అని ఒక సినిమాలో హీరోగా నటించాడు. ఈ సినిమా కొన్ని ఏరియాస్ లో బాగానే కలెక్షన్లు కురిపిస్తున్న ఆనందంలో సక్సెస్ మీట్ కి వెళ్లిన షకలక శంకర్ - పవన్ కళ్యాణ్ వీరభిమాని కూడా కావడంతో శ్రీ రెడ్డిపై మండిపడ్డాడు. ఇప్పుడు కౌంటర్ ఎటాక్ కు సిద్ధమైన శ్రీ రెడ్డి షకలక శంకర్ పై సోషల్ మీడియా లో తిట్లవర్షం కురిపించింది. తన పోస్టులతో అతడిపై ఆగ్రహాన్ని వెళ్లగక్కింది. " నాకు తెలుసు నీ సినిమా ఈ మధ్యనే విడుదల అయిందని నీకు పబ్లిసిటీ కావాలని. కలెక్షన్ల కోసం నువ్వు నీ ఫేవరేట్ స్టార్ ని వాడుకో. కానీ ఇలాంటి చీప్ పబ్లిసిటీ కోసం నా జోలికి వస్తే వదిలేది లేదు" అంటూ విరుచుకుపడింది.

"నా దగ్గర అందరి జాతకాలు ఉన్నాయి. మూవీ ఆర్టిస్ట్స్ అసోసియేషన్ లో ఉన్న ప్రతి సభ్యుడి గురించి నాకు తెలుసు. సమయం వచ్చినప్పుడు అందరి పేర్లు బయటపెట్టే తీరుతాను" అంటూ హెచ్చరించింది శ్రీ రెడ్డి. మొత్తానికి టీవీ లో నుండి కనుమారుగైపోయినా - శ్రీ రెడ్డి సోషల్ మీడియా ద్వారా తన ఉనికిని చాటుకుంటూనే వస్తోంది.