'బాహుబలి' సినిమాతో దేశవ్యాప్తంగా సత్తా చాటిన పాన్ ఇండియా స్టార్ ప్రభాస్ ప్రస్తుతం నటిస్తున్న భారీ బడ్జెట్ చిత్రాల్లో ''ఆదిపురుష్'' ఒకటి. రామాయణ ఇతిహాస గాథ ఆధారంగాబాలీవుడ్ దర్శకుడు ఓం రౌత్ ఈ మైథలాజికల్ చిత్రాన్ని తెరకెక్కిస్తున్నారు. స్టార్ క్యాస్టింగ్ తో అత్యున్నత సాంకేతిక పరిజ్ఞానంతో 3డీ లో ఈ చిత్రాన్ని రూపొందిస్తున్నారు. ఇందులో శ్రీరాముడిగా ప్రభాస్ నటిస్తుండగా.. సీత పాత్రలో బాలీవుడ్ భామ కృతి సనన్ నటిస్తోంది. ప్రతినాయకుడు లంకేశ్ గా సైఫ్ అలీఖాన్.. లక్ష్మణుడిగా బాలీవుడ్ యువ హీరో సన్నీ సింగ్ కనిపించనున్నారు. ప్రభాస్ నటిస్తున్న ఈ స్ట్రెయిట్ హిందీ సినిమాపై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు.
కరోనా సెకండ్ వేవ్ ప్రభావం తర్వాత ఇటీవలే ''ఆది పురుష్'' మూవీ షూటింగ్ తిరిగి ప్రారంభించారు. ఇప్పటికే ఈ సినిమా 30 శాతానికి పైగా చిత్రీకరణ పూర్తి చేసుకుంది. ప్రస్తుతం ముంబైలో జరుగుతున్న కొత్త షెడ్యూల్ లో ప్రభాస్ ఇంకా జాయిన్ అవలేదు. సైఫ్ అలీ ఖాన్ - కృతి సనోన్ పాల్గొంటున్న కీలక సన్నివేశాలను షూట్ చేస్తున్నారని తెలుస్తోంది. వచ్చే నెల నుంచి ప్రభాస్ టీమ్ లో చేరుతారని బీ టౌన్ వర్గాలు చెబుతున్నాయి. గురువారంతో 'రాధే శ్యామ్' సినిమాకు సంబంధించిన షూటింగ్ మొత్తం పూర్తి చేశారు ప్రభాస్. ఈ క్రమంలోనే 'ఆది పురుష్' సెట్ లో అడుగుపెట్టనున్నాడు.
'ఆదిపురుష్' మూవీ చిత్రీకరణ కోసం ముంబైలోని మెహబూబ్ స్టూడియోలో భారీ క్రోమా సెట్ ఏర్పాటు చేశారు. గ్రాఫిక్స్ మరియు విఎఫ్ఎక్స్ వర్క్ ఎక్కువగా ఉంటుంది కాబట్టి ఈ ప్రత్యేకమైన సెట్ ను ఏర్పాటు చేసినట్లు తెలుస్తోంది. ఎక్కువ భాగం షూటింగ్ గ్రీన్ మ్యాట్‌ పైనే జరుగుతుంది. వీలైనంత త్వరగా చిత్రీకరణ పూర్తి చేసి పోస్ట్ ప్రొడక్షన్ మీద మరిన్ని రోజులు కూర్చునేలా చిత్ర యూనిట్ ప్లాన్స్ రెడీ చేసుకుంది. 2022 ఆగస్ట్ 11న ఈ చిత్రాన్ని ప్రేక్షకుల ముందుకు తీసుకురానున్నారు. తెలుగు హిందీ భాషల్లో ఏకకాలంలో రూపొందుతున్న ఈ చిత్రాన్ని పలు భారతీయ భాషల్లో విడుదల చేయనున్నారు.
టీ-సిరీస్ ఫిలిమ్స్ బ్యానర్ పై భూషణ్ కుమార్ - కృష్ణ కుమార్ - ప్రసాద్ సుతార్ - రాజేష్ నాయర్‌ లు కలసి 'ఆదిపురుష్' చిత్రాన్ని నిర్మిస్తున్నారు. సుమారు 400 కోట్ల బడ్జెట్ తో ఈ చిత్రాన్ని తెరకెక్కిస్తున్నారని టాక్. ఈ చిత్రానికి బాలీవుడ్ సంగీత ద్వయం సాచెత్ తాండన్ - పరంపరా ఠాకూర్ సంగీతం సమకూర్చనున్నారు. ఇకపోతే ప్రభాస్ ఈ సినిమాతో పాటుగా 'సలార్' 'ప్రాజెక్ట్ K' షూటింగ్ లలో కూడా పాల్గొననున్నారు. 'కేజీఎఫ్' దర్శకుడు ప్రశాంత్ నీల్ దర్శకత్వంలో రూపొందుతున్న 'సలార్' చిత్రాన్ని 2022 ఏప్రిల్ 14న రిలీజ్ చేయనున్నట్లు ఇప్పటికే అధికారికంగా ప్రకటించారు. దీనికి తగ్గట్లుగానే ప్రభాస్ షూటింగ్ ప్లాన్ రెడీ చేసుకున్నారు.
ఇప్పటికే 'సలార్' చిత్రానికి సంబంధించిన కొంత భాగం చిత్రీకరణ జరిపారు. పాన్ ఇండియా స్థాయిలో రూపొందుతున్న ఈ యాక్షన్ ఎంటర్టైనర్ లో ప్రభాస్ కొత్త అవతారంలో కనిపించనున్నారు. ఆయనకు జోడీగా శృతి హాసన్ నటిస్తోంది. దాదాపు 'కేజీయఫ్' వర్క్ చేసిన టెక్నికల్ టీమ్ ఈ చిత్రానికి పని చేస్తున్నారు. హోంబలే ఫిలింస్ బ్యానర్ పై విజయ్ కిరగందూర్‌ ఈ చిత్రాన్ని నిర్మిస్తున్నాడు. ప్రశాంత్ నీల్ డైరెక్ట్ చేస్తున్న 'కేజీయఫ్ చాప్టర్ 2' సినిమా పనులు కంప్లీట్ అయిన తర్వాత ప్రభాస్.. ప్యారలల్ గా 'ఆదిపురుష్' 'సలార్' షూట్ లలో పాల్గొనే అవకాశం ఉంది.
ఇదిలా వుండగా నాగ్ అశ్విన్ దర్శకత్వంలో ప్రభాస్ నటిస్తున్న పాన్ వరల్డ్ సినిమాని 'ప్రాజెక్ట్ K' పేరుతో ఇటీవలే స్టార్ట్ చేశారు. ప్రస్తుతం అమితాబ్ బచ్చన్ కు సంబంధించిన సీన్స్ ని షూట్ చేస్తున్నారు. ఇందులో ప్రభాస్ సరసన బాలీవుడ్ స్టార్ హీరోయిన్ దీపికా పదుకునే నటిస్తున్నారు. వైజయంతీ మూవీస్ బ్యానర్ పై అశ్వినీదత్ భారీ బడ్జెట్ తో ఈ మూవీని నిర్మిస్తున్నారు. సైన్స్ ఫిక్షన్ జోనర్ లో ఈ సినిమా ఉంటుంది. మిక్కీ జె.మేయర్ సంగీతం సమకూరుస్తున్న ఈ చిత్రానికి డానీ శాంచెజ్-లోపెజ్ సినిమాటోగ్రఫీ అందిస్తున్నారు. ప్రభాస్ ఈ సినిమా కోసం బల్క్ డేట్స్ కేటాయించారని తెలుస్తోంది.
కరోనా సెకండ్ వేవ్ ప్రభావం తర్వాత ఇటీవలే ''ఆది పురుష్'' మూవీ షూటింగ్ తిరిగి ప్రారంభించారు. ఇప్పటికే ఈ సినిమా 30 శాతానికి పైగా చిత్రీకరణ పూర్తి చేసుకుంది. ప్రస్తుతం ముంబైలో జరుగుతున్న కొత్త షెడ్యూల్ లో ప్రభాస్ ఇంకా జాయిన్ అవలేదు. సైఫ్ అలీ ఖాన్ - కృతి సనోన్ పాల్గొంటున్న కీలక సన్నివేశాలను షూట్ చేస్తున్నారని తెలుస్తోంది. వచ్చే నెల నుంచి ప్రభాస్ టీమ్ లో చేరుతారని బీ టౌన్ వర్గాలు చెబుతున్నాయి. గురువారంతో 'రాధే శ్యామ్' సినిమాకు సంబంధించిన షూటింగ్ మొత్తం పూర్తి చేశారు ప్రభాస్. ఈ క్రమంలోనే 'ఆది పురుష్' సెట్ లో అడుగుపెట్టనున్నాడు.
'ఆదిపురుష్' మూవీ చిత్రీకరణ కోసం ముంబైలోని మెహబూబ్ స్టూడియోలో భారీ క్రోమా సెట్ ఏర్పాటు చేశారు. గ్రాఫిక్స్ మరియు విఎఫ్ఎక్స్ వర్క్ ఎక్కువగా ఉంటుంది కాబట్టి ఈ ప్రత్యేకమైన సెట్ ను ఏర్పాటు చేసినట్లు తెలుస్తోంది. ఎక్కువ భాగం షూటింగ్ గ్రీన్ మ్యాట్‌ పైనే జరుగుతుంది. వీలైనంత త్వరగా చిత్రీకరణ పూర్తి చేసి పోస్ట్ ప్రొడక్షన్ మీద మరిన్ని రోజులు కూర్చునేలా చిత్ర యూనిట్ ప్లాన్స్ రెడీ చేసుకుంది. 2022 ఆగస్ట్ 11న ఈ చిత్రాన్ని ప్రేక్షకుల ముందుకు తీసుకురానున్నారు. తెలుగు హిందీ భాషల్లో ఏకకాలంలో రూపొందుతున్న ఈ చిత్రాన్ని పలు భారతీయ భాషల్లో విడుదల చేయనున్నారు.
టీ-సిరీస్ ఫిలిమ్స్ బ్యానర్ పై భూషణ్ కుమార్ - కృష్ణ కుమార్ - ప్రసాద్ సుతార్ - రాజేష్ నాయర్‌ లు కలసి 'ఆదిపురుష్' చిత్రాన్ని నిర్మిస్తున్నారు. సుమారు 400 కోట్ల బడ్జెట్ తో ఈ చిత్రాన్ని తెరకెక్కిస్తున్నారని టాక్. ఈ చిత్రానికి బాలీవుడ్ సంగీత ద్వయం సాచెత్ తాండన్ - పరంపరా ఠాకూర్ సంగీతం సమకూర్చనున్నారు. ఇకపోతే ప్రభాస్ ఈ సినిమాతో పాటుగా 'సలార్' 'ప్రాజెక్ట్ K' షూటింగ్ లలో కూడా పాల్గొననున్నారు. 'కేజీఎఫ్' దర్శకుడు ప్రశాంత్ నీల్ దర్శకత్వంలో రూపొందుతున్న 'సలార్' చిత్రాన్ని 2022 ఏప్రిల్ 14న రిలీజ్ చేయనున్నట్లు ఇప్పటికే అధికారికంగా ప్రకటించారు. దీనికి తగ్గట్లుగానే ప్రభాస్ షూటింగ్ ప్లాన్ రెడీ చేసుకున్నారు.
ఇప్పటికే 'సలార్' చిత్రానికి సంబంధించిన కొంత భాగం చిత్రీకరణ జరిపారు. పాన్ ఇండియా స్థాయిలో రూపొందుతున్న ఈ యాక్షన్ ఎంటర్టైనర్ లో ప్రభాస్ కొత్త అవతారంలో కనిపించనున్నారు. ఆయనకు జోడీగా శృతి హాసన్ నటిస్తోంది. దాదాపు 'కేజీయఫ్' వర్క్ చేసిన టెక్నికల్ టీమ్ ఈ చిత్రానికి పని చేస్తున్నారు. హోంబలే ఫిలింస్ బ్యానర్ పై విజయ్ కిరగందూర్‌ ఈ చిత్రాన్ని నిర్మిస్తున్నాడు. ప్రశాంత్ నీల్ డైరెక్ట్ చేస్తున్న 'కేజీయఫ్ చాప్టర్ 2' సినిమా పనులు కంప్లీట్ అయిన తర్వాత ప్రభాస్.. ప్యారలల్ గా 'ఆదిపురుష్' 'సలార్' షూట్ లలో పాల్గొనే అవకాశం ఉంది.
ఇదిలా వుండగా నాగ్ అశ్విన్ దర్శకత్వంలో ప్రభాస్ నటిస్తున్న పాన్ వరల్డ్ సినిమాని 'ప్రాజెక్ట్ K' పేరుతో ఇటీవలే స్టార్ట్ చేశారు. ప్రస్తుతం అమితాబ్ బచ్చన్ కు సంబంధించిన సీన్స్ ని షూట్ చేస్తున్నారు. ఇందులో ప్రభాస్ సరసన బాలీవుడ్ స్టార్ హీరోయిన్ దీపికా పదుకునే నటిస్తున్నారు. వైజయంతీ మూవీస్ బ్యానర్ పై అశ్వినీదత్ భారీ బడ్జెట్ తో ఈ మూవీని నిర్మిస్తున్నారు. సైన్స్ ఫిక్షన్ జోనర్ లో ఈ సినిమా ఉంటుంది. మిక్కీ జె.మేయర్ సంగీతం సమకూరుస్తున్న ఈ చిత్రానికి డానీ శాంచెజ్-లోపెజ్ సినిమాటోగ్రఫీ అందిస్తున్నారు. ప్రభాస్ ఈ సినిమా కోసం బల్క్ డేట్స్ కేటాయించారని తెలుస్తోంది.