`యుగానికి ఒక్క‌డు-2` ఎప్పుడో క్లారిటీ ఇచ్చేసారు!
ఈ నేప‌థ్యంలో ప్రాజెక్ట్ ఆగిపోయింద‌ని అంతా అనుకుంటున్నారు. అయితే ఈ సినిమా ఆగిపోలేదంటూ సెల్వ‌రాఘ‌వ‌న్ మ‌ళ్లీ మీడియా ముందుకొచ్చాడు.
కార్తీ-సెల్వ‌రాఘ‌వ‌న్ కాంబినేష‌న్ లో తెర‌కెక్కిన `యుగానికి ఒక్క‌డు` అప్ప‌ట్లో ఎలాంటి విజ‌యం సాధించిందో తెలిసిందే. ఈ సినిమా ఇప్పుడు గ‌నుక రిలీజ్ అయి ఉంటే? ఇంకా పెద్ద స‌క్సెస్ సాధించేది. త‌మిళ్ కంటే తెలుగు ఆడియ‌న్స్ కి బాగా క‌నెక్ట్ అయిన చిత్రం. న‌టుడిగా కార్తీ చేసిన మూడ‌వ చిత్రమిది. మూడ సినిమాతోనే ఓ పెద్ద ప్ర‌యోగం చేసాడు. స‌క్సెస్ అవుతుందా? లేదా? అని ఎన్నో సందేహాల‌తో కార్తీ ప్రేక్ష‌కుల ముందుకొచ్చాడు.
కానీ కోలీవుడ్ ను మించి టాలీవుడ్ లో మంచి పేరు తీసుకొచ్చింది. ఈ సినిమాతో కార్తీ బాగా ఐడెంటిటీ అయ్యాడు. ద‌ర్శ‌కుడిగా సెల్వ‌రాఘ‌వ‌న్ కి మంచి పేరు తీసుకొచ్చింది. ప్రేక్ష‌కుల‌కు ఓ కొత్త అనుభూతిని..కొత్త వ‌ర‌ల్డ్ లోకి తీసుకెళ్లిన చిత్రమిది. ఇక ఈ సినిమాకి సీక్వెల్ గా `యుగానికి ఒక్క‌డు-2` కూడా సెల్వ‌రాఘ‌వ‌న్ ప్ర‌క‌టించారు. ఇందులో కార్తీ ప్లేస్ లో కి ధనుష్ వ‌చ్చి చేరాడు. అయితే ఈ ప్ర‌క‌ట‌నొచ్చి చాలా కాల‌మైంది.
దీంతో రోజులు గ‌డుస్తున్నాయి త‌ప్ప ప్రాజెక్ట్ ని ప‌ట్టాలెక్కించ‌లేదు. ఈ నేప‌థ్యంలో ప్రాజెక్ట్ ఆగిపోయింద‌ని అంతా అనుకుంటున్నారు. అయితే ఈ సినిమా ఆగిపోలేదంటూ సెల్వ‌రాఘ‌వ‌న్ మ‌ళ్లీ మీడియా ముందుకొచ్చాడు. ఈ సినిమా త‌ప్ప‌కుండా చేస్తామ‌ని..కానీ అందుకు కొంత స‌మ‌యం ప‌డుతుంద‌న్నారు.ఈ సినిమా కంటే ధనుష్ మ‌రో సినిమా సీక్వెల్ చేయాల్సి ఉంటుంద‌ని, ఆ త‌ర్వాత `యుగానికి ఒక్క‌డు` ఉంటుంద‌ని తెలిపారు.
అలాగే ఈప్రాజెక్ట్ కి న‌టీన‌టుల ఎంపిక అన్న‌ది అతి పెద్ద టాస్క్ గా చెప్పుకొచ్చారు. పాత్ర‌ల‌న్నింటికి త‌గ్గ ప‌క్కా న‌టులున్ని ఎంపిక చేయ‌డానికి చాలా స‌మ‌యం ప‌డుతుంద‌ని...తొలి భాగాన్ని మించి రెండవ భాగంలో పాత్ర‌లుంటాయ‌ని, అలాగే చాలా కొత్త పాత్ర‌లు క‌థ‌లో యాడ్ అయిన‌ట్లు తెలిపారు. దీంతో `యుగానికి ఒక్క‌డు-2` మ‌ళ్లీ రేసులోకి వ‌చ్చింది.