పవన్ కళ్యాణ్ సినిమా షూటింగులో ప్రమాదం.. ఆసుపత్రిలో ప్రముఖ నటుడు!

సినిమా షూటింగ్స్ అంటేనే చాలా రిస్క్ తో కూడుకున్న పరిస్థితులు ఎదురవుతాయి. అందులోను మాములు సినిమాలంటే పెద్దగా రిస్క్ ఉండకపోవచ్చు కానీ హిస్టోరికల్ ఫిలిమ్స్ చేసేటప్పుడు మాత్రం చాలా రిస్క్ టేక్ చేయాల్సి ఉంటుంది. ఎందుకంటే హిస్టోరికల్ అంటేనే యుద్ధాలు, గుర్రపు స్వారీలు, కత్తిసాము, భారీ ఫైట్ సీక్వెన్స్ ఇలా ఎన్నో రకాల సన్నివేశాలలో నటించాల్సి ఉంటుంది. ఇలాంటి షూటింగ్స్ లో చాలామంది స్టార్స్ కూడా గాయపడుతుంటారు. రీసెంట్ గా ప్రముఖ క్యారెక్టర్ ఆర్టిస్ట్ ఆదిత్యమీనన్.. హరిహర వీరమల్లు షూటింగ్ సమయంలో గుర్రం పై నుండి పడి తీవ్రంగా గాయపడ్డట్లు తెలుస్తుంది. ప్రస్తుతం ఆయన చెన్నైలోని ప్రైవేట్ ఆసుపత్రిలో చికిత్స పొందుతున్నారు. ఆదిత్య తెలుగు ఇండస్ట్రీకి బాగా సుపరిచితుడు.

ఇప్పటివరకు ఎన్నో సూపర్ హిట్ సినిమాలలో మంచి క్యారెక్టర్స్ చేసాడు. ప్రస్తుతం ఆదిత్యకు ఆక్సిడెంట్ అవ్వడంతో ఇండస్ట్రీ వారంతా ఆయన త్వరగా కోలుకొని మళ్లీ నార్మల్ అవ్వాలని ప్రార్థిస్తున్నారు. ప్రస్తుతం శరవేగంగా షూటింగ్ జరుపుకుంటున్న 'హరిహరవీరమల్లు' సినిమాలో పవర్ స్టార్ పవన్ కళ్యాణ్ టైటిల్ రోల్ పోషిస్తున్నాడు. ఈ ప్రమాదం జరిగి నాలుగు రోజులు అవుతుందట. అలాగే ప్రస్తుతం ఆదిత్య పరిస్థితి కూడా నిలకడగానే ఉందని సన్నిహిత వర్గాలు చెబుతున్నాయి. ఆయన ఆసుపత్రిలో బెడ్ పై ఉన్న ఫోటోలు కూడా సోషల్ మీడియాలో పోస్ట్ చేశారు.  త్వరగా ఆదిత్య కోలుకోవాలని మనం కూడా ప్రార్థిద్దాం. ఈ పాన్ ఇండియా సినిమాను క్రిష్ తెరకేక్కిస్తుండగా.. ఏఎం రత్నం భారీ బడ్జెట్ తో నిర్మిస్తున్నారు. వచ్చే ఏడాది ఈ సినిమా విడుదల కాబోతుంది.