శంకర్ సినిమా మిస్సయిన అడివి శేష్ !

తన గురించి చెప్పే సందర్భం వచ్చిన ప్రతీ సారి తన జీవితంలో పడిన కష్టాలను - వడిదుడుకులను గుర్తుచేకుంటాడు శేష్. ఇప్పటికే ప్రెస్ మీట్స్ - ఎన్నో ఇంటర్వ్యూ లో తన లైఫ్ జర్నీ అంతా చెప్పేసిన ఈ థ్రిల్లర్ స్టార్ లేటెస్ట్ గా తను మిస్సయిన ఓ సినిమా గురించి చెప్పాడు. ఆ సినిమా మరేదో కాదు శంకర్ డైరెక్ట్ చేసిన బాయ్స్ అట. స్వయంగా నిర్మాత ఏ.ఎం.రత్నం పిలిచి మరి బాయ్స్ లో చేస్తావా అంటూ అవకాశం ఇచ్చాడట.

అయితే అప్పటికే కృష్ణవంశీ డైరెక్షన్లో హీరోగా ఒక సినిమా కమిటీ అయ్యాడట శేష్. బాయ్స్ లో అవకాశం వచ్చిన సంగతి కృష్ణవంశీ కి చెప్పగా - అదో ఇదో రెండింటిలో ఏ సినిమా చేస్తావో నువ్వే నిర్ణయించుకో అని గట్టిగా అన్నాడట. ఆ సమయంలో తమిళ్ సినిమా కంటే తెలుగు సినిమానే బెటర్ అని పైగా ఇక్కడ కృష్ణవంశీ కదా అనుకొని 'బాయ్స్' ని లైట్ తీసుకున్నాడట శేష్. తీరా చూస్తే కృష్ణవంశీ డైరెక్షన్లో 'మల్లెపూవు' అనే టైటిల్ తో తెరకెక్కాల్సిన ఆ సినిమా అనుకోకుండా ఆగిపోయింది అంట. ఇవన్నీ నందిని రెడ్డి తో కలిసి ఓ ఇంటర్వ్యూ లో షేర్ చేసుకున్నాడు శేష్.

ఇదే ఇంటర్వ్యూ లో నందిని రెడ్డి, శేష్ తమ అనుబంధం గురించి చెప్పుకుంటూ వారి కష్టాలను గుర్తుచేసుకుంటూ వారి జీవితంలో జరిగిన ఊహించని మార్పులను తెలియజేసారు. ఇద్దరూ కృష్ణవంశీ సినిమాతోనే పరిచయమైన రోజులను గుర్తుచేసుకున్నారు. అదే చనువుతో ఇంటర్వ్యూ లో శేష్ మూడు హిట్లు రాగానే పొగరెక్కిందా.. అంటూ శేష్ ని ఆట పట్టించింది నందిని రెడ్డి. అంతే కాదు గూఢచారి రిలీజ్ కి ముందు నుండి ఇద్దరూ కలిసి సినిమా చేయాలనుకుంటున్నట్లు తెలిపారు. మరి వీరిద్దరి కాంబోలో సినిమా ఎప్పుడొస్తుందో.