తమిళంలో మూడేళ్ల కిందట సంచలన విజయం సాధించిన సినిమా ‘జిగర్ తండా’. తెలుగులో హీరోగా హవా నడిపించి.. ఆ తర్వాత తమిళంలోకి వెళ్లిపోయిన సిద్దార్థ్ కథానాయకుడిగా నటించిన సినిమా ఇది. ‘పిజ్జా’ లాంటి సెన్సేషనల్ హిట్ తో దర్శకుడిగా పరిచయమైన కార్తీక్ సుబ్బరాజ్ ఈ చిత్రానికి దర్శకత్వం వహించాడు. ఈ చిత్రం తమిళంలో ఒక క్లాసిక్ లాగా నిలిచిపోయింది. ఈ సినిమాలో విలన్ పాత్ర చేసిన బాబీ సింహా జాతీయ అవార్డు కూడా అందుకున్నాడు. ఈ సినిమా ‘చిక్కడు దొరకడు’ పేరుతో తెలుగులోనూ విడుదలైంది. ఇప్పుడీ చిత్రాన్ని బాలీవుడ్లో రీమేక్ చేయబోతున్నారు. ఒక ఆసక్తికర కాంబినేషన్లో ‘జిగర్ తండా’ హిందీ రీమేక్ తెరకెక్కబోతోంది.
హీరో అజయ్ దేవగణ్ మరో సంస్థతో కలిసి ‘జిగర్ తండా’ రీమేక్ ను నిర్మించబోతుండటం విశేషం. తమిళంలో బాబీ సింహా పోషించిన పాత్రను హిందీలో సంజయ్ దత్ చేయనుండటం మరో విశేషం. డైరెక్టర్ టర్న్డ్ హీరో ఫర్హాన్ అక్తర్.. సిద్దార్థ్ చేసిన పాత్రలో కనిపించనున్నాడు. ఈ చిత్రం ఇంకొన్ని రోజుల్లోనే సెట్స్ మీదికి వెళ్లబోతోంది. దర్శకుడు కావడం కోసం ప్రయత్నిస్తున్న ఓ కుర్రాడు.. నిర్మాత పెట్టిన కండిషన్ మేరకు ఒక నిజమైన రౌడీ జీవితాన్ని అధ్యయనం చేసి.. అతడి కథతో సినిమా చేయడానికి వెళ్తాడు. కానీ అక్కడ అనుకోని పరిస్థితుల్లో చిక్కుకుపోతాడు. కార్తీక్ వైవిధ్యమైన కథతో.. కొత్త తరహా కథనంతో ఈ సినిమాను రూపొందించాడు. మరి హిందీలో ఈ సినిమాను ఎలా తీర్చిదిద్దుతారో చూడాలి.
హీరో అజయ్ దేవగణ్ మరో సంస్థతో కలిసి ‘జిగర్ తండా’ రీమేక్ ను నిర్మించబోతుండటం విశేషం. తమిళంలో బాబీ సింహా పోషించిన పాత్రను హిందీలో సంజయ్ దత్ చేయనుండటం మరో విశేషం. డైరెక్టర్ టర్న్డ్ హీరో ఫర్హాన్ అక్తర్.. సిద్దార్థ్ చేసిన పాత్రలో కనిపించనున్నాడు. ఈ చిత్రం ఇంకొన్ని రోజుల్లోనే సెట్స్ మీదికి వెళ్లబోతోంది. దర్శకుడు కావడం కోసం ప్రయత్నిస్తున్న ఓ కుర్రాడు.. నిర్మాత పెట్టిన కండిషన్ మేరకు ఒక నిజమైన రౌడీ జీవితాన్ని అధ్యయనం చేసి.. అతడి కథతో సినిమా చేయడానికి వెళ్తాడు. కానీ అక్కడ అనుకోని పరిస్థితుల్లో చిక్కుకుపోతాడు. కార్తీక్ వైవిధ్యమైన కథతో.. కొత్త తరహా కథనంతో ఈ సినిమాను రూపొందించాడు. మరి హిందీలో ఈ సినిమాను ఎలా తీర్చిదిద్దుతారో చూడాలి.