అఖిల్ డాల్డా డ‌బ్‌ స్మాష్‌

సోష‌ల్ నెట్‌ వ‌ర్కింగ్ ద్వారా సినీ తార‌ల ముచ్చ‌ట్ల‌న్నీ తీరిపోతున్నాయి. ఇదివ‌ర‌కు వాళ్లు ఏం మాట్లాడాల‌న్నా సినిమా వేడుక‌ల్లోనో లేదంటే మీడియా ముందో మాట్లాడాల్సి వ‌చ్చేది. అయితే చిన్న చిన్న స‌ర‌దాల్ని మాత్రం తీర్చుకొనే అవ‌కాశం వ‌చ్చేది కాదు. కానీ సోష‌ల్ నెట్‌ వ‌ర్కింగ్ అందుబాటులోకి వ‌చ్చాక ప్ర‌తీ ముచ్చ‌ట తీరిపోతోంది. మ‌నసులో ఏమ‌నుకొంటే అది చేసేస్తున్నారు, ఏం అనిపిస్తే అది చెప్పేస్తున్నారు. అయితే మొన్న‌టిదాకా ఫేస్‌ బుక్‌  ట్విట్ట‌ర్‌ ల ద్వారానే సంద‌డి చేసేవాళ్లు. ఇప్పుడు డ‌బ్‌ స్మాష్‌ ని కూడా బాగా వినియోగించుకొంటున్నారు.

చిన్న చిన్న డైలాగుల్ని, స‌న్నివేశాల్ని అనుక‌రిస్తూ ఆనందం పొంద‌డానికి, వాటిని న‌లుగురితో పంచుకోవ‌డానికి డ‌బ్‌ స్మాష్‌ లో వీడియోలు బాగా ఉప‌యోగ‌ప‌డుతున్నాయి. సోష‌ల్‌ నెట్‌ వ‌ర్కింగ్ సైట్ల‌తో అనుబంధం ఉన్న‌వాళ్లంతా డ‌బ్ స్మాష్‌ లో డైలాగుల్ని చెబుతుంటారు. మ‌హేష్‌ బాబు కూడా త‌న పండుగాడు డైలాగ్‌ కి త‌న‌యుడు గౌత‌మ్‌ తో యాక్ట్ చేయిస్తూ డ‌బ్‌ స్మాష్ చేయించాడు. అది ఫ్యాన్స్‌ కి భ‌లే న‌చ్చింది. ఇప్పుడు అఖిల్ కూడా డ‌బ్‌ స్మాష్ వీడియో చేశాడు.

  మొద‌టిసారి ఆయ‌న  త‌న సినిమాలోని డైలాగునే తీసుకొని బ్ర‌హ్మానందం, వెన్నెల‌ కిషోర్‌ తో క‌లిసి డ‌బ్‌ స్మాష్ చేశాడు. షి ఈజ్ మై వైఫ్ ఆల్డా అని బ్ర‌హ్మానందం వెన్నెల‌కిషోర్‌ ని అఖిల్‌ కి ప‌రిచ‌యం చేస్తాడు. అఖిల్ `డాల్డానా?` అని అయోమ‌యంగా ఫేస్ పెడ‌తాడు. ఆ డైలాగూ ఫ‌న్నీగా ఉంది, వాళ్లు ముగ్గురూ క‌లిసి చేసిన వీడియో కూడా ఫ‌న్నీగా ఉంది. మొత్త‌మ్మీద అఖిల్ డ‌బ్‌ స్మాష్ ఎంట్రీనే అదుర్స్ అనిపించింది. త‌న  సినిమా ప్ర‌మోష‌న్ కోసం ఎన్ని ర‌కాల దారులుంటే అన్ని ర‌కాల దారుల్ని అఖిల్ ఉప‌యోగించుకొంటుండ‌టం విశేషం. మొత్తంగా అఖిల్  తానూ నేటిత‌రం కుర్రాడు అనిపించుకొంటున్నాడు.