అందరూ అనుకున్నదే.. అక్షయ్ అదరగొట్టేస్తాడని.. సినిమా అద్భుతంగా ఉంటుందని. ఇప్పుడదే నిజమైంది. ‘ఎయిర్ లిఫ్ట్’ సినిమాకు అద్భుతమైన స్పందన వస్తోంది జనాల్లో. నిన్న ప్రేక్షకుల ముందుకొచ్చిన ‘ఎయిర్ లిఫ్ట్’ ఇండియన్ ఆడియన్స్ ను విశేషంగా ఆకట్టుకుంటోంది. సినిమాకు అద్భుతమైన రివ్యూలు వచ్చాయి. చూసిన వాళ్లందరూ కూడా సోషల్ మీడియాలో ఈ సినిమా గురించి గొప్పగా చెబుతున్నారు.
1990లో కువైట్ పై ఇరాక్ దాడి చేసిన సమయంలో అక్కడ చిక్కుకుపోయిన లక్షా 70 వేల మంది భారతీయుల్ని భారత సంతతికి చెందిన ఓ వ్యాపారి సాయంతో భారత సైన్యం ఎలా కాపాడి మన దేశానికి తీసుకొచ్చిందన్న కథాంశంతో తెరకెక్కిన సినిమా ఇది. ప్రపంచంలోనే అతి పెద్ద హ్యూమన్ ఎవాక్యుయేషన్ గా గిన్నిస్ బుక్ లోకి ఎక్కిన ఉదంతమది. ఆ నేపథ్యంలో ఎంతో రియలిస్టిక్ గా ఈ చిత్రాన్ని అద్భుతంగా తెరకెక్కించాడు దర్శకుడు రాజా కృష్ణమీనన్.
ఇరాక్ దాడికి సంబంధించిన సన్నివేశాల్ని.. ఆ తర్వాత బాధితులు పడే బాధల్ని హార్ట్ టచింగ్ గా చూపించారు సినిమాలో. ఇక భారత సైన్యం రంగ ప్రవేశం చేశాక.. చివరి 45 నిమిషాల కథనం రోమాలు నిక్కబొడుచుకునేలా చేస్తుంది. అక్షయ్ ఇంతకుముందు చెప్పినట్లు ఈ సినిమా చూశాక ప్రతి భారతీయుడూ గర్విస్తాడనడంలో సందేహం లేదు. అక్షయ్ పెర్ఫామెన్స్ సినిమాకు మేజర్ హైలైట్. అతడికిది లైఫ్ టైం మూవీ అని చెప్పొచ్చు. భాషతో సంబంధం లేకుండా ఎవరైనా చూసి ఎమోషనల్ గా కనెక్టయ్యే సినిమా ఇది.
1990లో కువైట్ పై ఇరాక్ దాడి చేసిన సమయంలో అక్కడ చిక్కుకుపోయిన లక్షా 70 వేల మంది భారతీయుల్ని భారత సంతతికి చెందిన ఓ వ్యాపారి సాయంతో భారత సైన్యం ఎలా కాపాడి మన దేశానికి తీసుకొచ్చిందన్న కథాంశంతో తెరకెక్కిన సినిమా ఇది. ప్రపంచంలోనే అతి పెద్ద హ్యూమన్ ఎవాక్యుయేషన్ గా గిన్నిస్ బుక్ లోకి ఎక్కిన ఉదంతమది. ఆ నేపథ్యంలో ఎంతో రియలిస్టిక్ గా ఈ చిత్రాన్ని అద్భుతంగా తెరకెక్కించాడు దర్శకుడు రాజా కృష్ణమీనన్.
ఇరాక్ దాడికి సంబంధించిన సన్నివేశాల్ని.. ఆ తర్వాత బాధితులు పడే బాధల్ని హార్ట్ టచింగ్ గా చూపించారు సినిమాలో. ఇక భారత సైన్యం రంగ ప్రవేశం చేశాక.. చివరి 45 నిమిషాల కథనం రోమాలు నిక్కబొడుచుకునేలా చేస్తుంది. అక్షయ్ ఇంతకుముందు చెప్పినట్లు ఈ సినిమా చూశాక ప్రతి భారతీయుడూ గర్విస్తాడనడంలో సందేహం లేదు. అక్షయ్ పెర్ఫామెన్స్ సినిమాకు మేజర్ హైలైట్. అతడికిది లైఫ్ టైం మూవీ అని చెప్పొచ్చు. భాషతో సంబంధం లేకుండా ఎవరైనా చూసి ఎమోషనల్ గా కనెక్టయ్యే సినిమా ఇది.