ముగ్గురు కామెడీ ముదుర్లు ఒకేచోట చేరారే

టాలీవుడ్ సినిమాల్లో కామెడీకి చాలానే ఇంపార్టెన్స్ ఉంటుంది. కానీ కామెడీతోనే సినిమాలు సక్సెస్ చేసేయచ్చని.. అది కూడా సినిమాల్లో ఓ స్పెషల్ జోనర్ అని ప్రూవ్ చేసిన వాళ్లలో.. మొదటగా నటకిరీటి రాజేంద్రప్రసాద్ నే చెప్పుకోవాలి. రాజేంద్రప్రసాద్ కి ముందు కూడా కామెడీతోనే సినిమాలొచ్చినా.. ఈయన రేంజ్ లో మాత్రం హీరోగా కెరీర్ కొనసాగలేదు లెండి.

రాజేంద్రప్రసాద్ కి కొంచెం తర్వాత వచ్చినా.. దాదాపు అదే హోదాలో కొనసాగాడు నరేష్. చిత్రం భళారే విచిత్రం.. జంబ లకిడి పంబ లాంటి సినిమాలతో స్టార్ రేంజ్ తెచ్చేసుకున్నాడు కూడా. ఇక ఇప్పటి జనరేషన్ లో అల్లరి నరేష్.. తన మొదటి సినిమాలో చేసిన అల్లరినే ఇంటిపేరుగా మార్చేసుకున్నాడు. రాజేంద్ర ప్రసాద్.. సీనియర్ నరేష్.. అల్లరి నరేష్.. ఈ ముగ్గురికి టాలీవుడ్ కామెడీ చరిత్రలో బోలెడన్ని పేజీలుంటాయి. వీళ్లు ముగ్గురు ఒక చోటకు చేరితే ఎలా ఉంటుంది?

'శుభోదయం.. రేలంగి పార్టీలో తెలుగు తెరకు చెందిన 3 కామెడీ ఫేసులు' అంటూ రాజేంద్ర ప్రసాద్.. అల్లరి నరేష్ లతో దిగిన ఫోటోను పోస్ట్ చేశాడు సీనియర్ నరేష్. ముగ్గురు కామెడీ హీరోలను ఒకే చోట చూస్తుంటే.. ఆ విజువల్ అదిరిందిలే.

Like Us on Facebook : https://www.facebook.com/Tupakidotcom/