ఆర్య కాంబో #AA20 సెట్స్ పైకి

ఆర్య కాంబో రిపీట‌వుతున్న సంగ‌తి తెలిసిందే. అల్లు అర్జున్ - సుకుమార్ కాంబినేష‌న్ మూవీ మే11 న ప్రారంభ‌మ‌వుతోంది. ఈసారి సుకుమార్ బ‌న్నీని ఎలా చూపించ‌బోతున్నారు?  ఆర్య ఫ్రాంఛైజీని మించిన పాయింట్ తోనే సుక్కూ సినిమా తీస్తున్నాడా? ప‌్ర‌స్తుతం అభిమానుల్లో ఆసక్తిక‌ర చ‌ర్చ ఇది. బ‌న్నీ ఈ చిత్రంలో స్మ‌గ్ల‌రా.. స్మ‌గ్ల‌ర్ల‌ను వేటాడే పోలీసా? అంటూ ఆస‌క్తిగా మాట్లాడుకుంటున్నారు. ఎర్ర‌చంద‌నం స్మ‌గ్ల‌ర్ల బ్యాక్ డ్రాప్ ని ఎంచుకున్న సుకుమార్ బ‌న్ని పాత్ర‌ను ఎలివేట్ చేస్తున్నారు? అంటూ ఆస‌క్తిక‌ర చ‌ర్చ సాగుతోంది. 

లెక్క‌ల మాస్టారు క‌థ‌ల్లో.. క్యారెక్ట‌రైజేష‌న్ లో బోలెడంత లాజిక్ చూపిస్తారు. మైండ్ గేమ్.. ఇంటెలెక్చువ‌ల్ గేమ్ ని ఇంట్రెస్టింగ్ గా చూపించే స‌త్తా ఉన్న ద‌ర్శ‌కుడిగా బ‌న్ని పాత్ర‌ను సంథింగ్ స్పెష‌ల్ గా డిజైన్ చేసి ఉంటాడ‌ని ఫ్యాన్స్ ఆస‌క్తిగా వేచి చూస్తున్నారు. అస‌లింత‌కీ ఈసారి ఎలాంటి క‌థ‌తో వ‌స్తున్నాడు? ఆర్య‌ - 1 నేనొక్క‌డినే..  నాన్న‌కు ప్రేమ‌తో ప్ర‌తిదీ యూనిక్ స్టైల్లో తీశాడు. వాట‌న్నిటి కంటే యూనిక్ పాయింట్ ఏంటి? అన్న సందేహాల్ని ఫ్యాన్స్ వ్య‌క్తం చేస్తున్నారు.  స్టార్ డైరెక్ట‌ర్ల‌లో త‌న‌కంటూ ఓ ప్ర‌త్యేక‌త ఉంద‌ని నిరూపించాడు సుకుమార్. రాజ‌మౌళి అభిమానించే బెస్ట్ డైరెక్ట‌ర్ అత‌డు. అందుకే ఏఏ20 సినిమాపై అంత‌కంత‌కు అంచ‌నాలు పెరుగుతున్నాయి.

ఆ ఇద్ద‌రి కాంబినేష‌న్ పై స‌ర్వ‌త్రా ఆస‌క్తి నెల‌కొంది. ఇప్ప‌టికే ర‌ష్మిక క‌థానాయిక‌గా ఫైన‌ల్ అయ్యింది.. శేషాచ‌లం అడ‌వుల్లో... ఎర్ర‌చంద‌నం(శాండ‌ల్) స్మ‌గ్ల‌ర్స్ పై సీన్స్ తెర‌కెక్కించ‌నున్నార‌ని తెలుస్తోంది. అలాగే తిరుప‌తి- నెల్లూరులో లొకేష‌న్లు సెర్చ్ చేశారు. ప్ర‌తిష్ఠాత్మ‌క మైత్రి మూవీ మేక‌ర్స్ సంస్థ ఈ చిత్రాన్ని అత్యంత భారీ బ‌డ్జెట్ తో నిర్మించ‌నుంది.