కేరళ వరదలకు బన్నీ విరాళం ఇచ్చేసాడు

కేరళ వరద వర్ష భీభత్సంతో అతలాకుతలం అవుతోంది. జన జీవనం పూర్తిగా స్తంభించిపోయింది. ఎప్పుడు తెరిపి దొరుకుతుందో అంతు చిక్కడం లేదు. ఇప్పుడు కేరళకు అన్నిరకాల సహాయం అత్యవసరంగా మారింది. ఎక్కడెక్కడి నుంచో విరాళాలు వస్తున్నాయి. నిన్న మన టాలీవుడ్ తారలు విజయ్ దేవరకొండ రామ్ చరణ్ దంపతులు తమవంతుగా డబ్బును పంపడం అభిమానుల్లో స్ఫూర్తి నింపింది. వీళ్ళు చేయటం ఓకే కానీ కేవలం తనకు మాత్రమే మల్లువుడ్ లో స్టార్ హీరో రేంజ్ మార్కెట్ ని సొంతం చేసుకున్న అల్లు అర్జున్ విరాళం ఇవ్వడం గురించి  అభిమానుల్లోనే కాదు ప్రేక్షకుల్లో సైతం ఆసక్తి నెలకొంది . అసలు అక్కడ ఇమేజే లేని హీరోలే పోటీ పడి పంపుతుంటే   తనను ఎంతో ఆదరించే కేరళ ఫాన్స్ కోసం బన్నీ ఎంత ఇస్తాడా అనే సస్పెన్స్ కు స్టైలిష్ స్టార్ తెరదించాడు. తనవంతుగా కేరళ వరదల సహాయక చర్యల కోసం 25 లక్షలు ప్రకటించాడు.

అల్లు అర్జున్ కు కేరళ స్పెషల్ గా ఉండడానికి మరో కారణం ఉంది. తను అక్కడి వారికి కేవలం డబ్బింగ్ సినిమాల ద్వారా మాత్రమే పరిచయం. ఆ  మాత్రానికే విజయ్ సూర్య లాంటి హీరోలకు సైతం సాధ్యం కానీ క్రేజ్ ని అక్కడ సొంతం చేసుకున్నాడు. ఆ మధ్య ఓ జ్యువెలర్ షో రూమ్ ఓపెనింగ్ కోసం కేరళ వెళ్ళినప్పుడు అభిమానుల తాకిడిని  కంట్రోల్ చేయడానికి అక్కడి పోలీసులకు తల ప్రాణం తోకలోకి వచ్చింది. డీజే-నా పేరు సూర్య-సన్ అఫ్ సత్యమూర్తి-జులాయి లాంటి సినిమాలు అక్కడ చాలా రికార్డ్స్ సెట్ చేశాయి. రామ్ చరణ్ ఎవడు డబ్ చేస్తే  పోస్టర్స్ లో చిన్న క్యామియో చేసిన  అల్లు అర్జున్ నే హై లైట్ చేసారు. మరి ఇంత ప్రేమ చూపించిన కేరళ ఫాన్స్ కోసం అల్లు అర్జున్ ప్రకటించిన మొత్తం ఇప్పుడు ఫ్యాన్స్ కి మార్గం చూపింది. 25లక్షలు ఇవ్వడం గురించి ఇప్పటికే సోషల్ మీడియాలో ట్రెండింగ్ మొదలైంది. అయినా తనకు అక్కడ తమ హృదయాల్లో అంత స్థానం ఇచ్చిన కేరళ అభిమానుల కోసం అల్లు అర్జున్ ఇచ్చిన 25 లక్షలు ఇంకొందరికి స్ఫూర్తినిస్తోంది అనడంలో సందేహం అక్కర్లేదు.