ఎక్కడికో ఈ ప్రయాణం.. భార్య తో అల్లు అర్జున్‌ నైట్ రైడ్‌

అల్లు అర్జున్‌ పుష్ప 2 సినిమాతో బిజీ అయ్యాడు. ప్రీ ప్రొడక్షన్ వర్క్‌.. షూటింగ్‌ వర్క్‌ ఇతర వర్క్ తో బిజీ బిజీగా గడుపుతున్నాడు. ఈ సమయంలో ఆయన పుష్ప 2 యొక్క వర్క్ తో ఫుల్‌ బిజీగా ఉన్నప్పటికి కూడా తన ఫ్యామిలీకి సాధ్యమైనంత ఎక్కువ సమయంను ఇస్తూనే ఉంటాడు. తాజాగా స్నేహాతో కలిసి నైట్ రైడ్ కి వెళ్లిన బన్నీ వీడియో వైరల్‌ అవుతోంది.

స్నేహా తో కలిసి నైట్‌ రైడ్‌ కి అల్లు అర్జున్ వెళ్లాడు. స్వయంగా బన్నీ కారు డ్రైవ్ చేస్తూ ఉండగా స్నేహా వీడియోను తీసి షేర్‌ చేసింది. గత సంవత్సర కాలంగా బన్నీ పుష్ప 2 సినిమా షూటింగ్ ఆలస్యం అవ్వడం వల్ల ఫ్యామిలీ తో ఎక్కువ సమయం గడిపే అవకాశం వచ్చింది. అంతే కాకుండా కరోనా వల్ల కూడా పిల్లలతో ఎక్కువ సమయం గడిపాడు.

ఇన్నాళ్లు ఫ్యామిలీతో గడిపినా కూడా పుష్ప 2 వర్క్ మొదలు అయిన తర్వాత కూడా అల్లు అర్జున్ ఇలా భార్య స్నేహ రెడ్డి తో సరదాగా ప్రయాణం చేయడం అందరి దృష్టిని ఆకర్షిస్తోంది. అందమైన ఈ ఫ్యామిలీ ని చాలా మంది చాలా రకాలుగా ప్రశంసిస్తూ ఉంటారు.

అల్లు అర్జున్‌ ప్రస్తుతం పుష్ప 2 సినిమా యొక్క షూటింగ్‌ కార్యక్రమాలకు రెడీ అవుతున్నాడు. ఈ సమయంలోనే బన్నీ యొక్క తదుపరి సినిమాలు కూడా చర్చల దశలో ఉన్నాయి. త్రివిక్రమ్‌ దర్శకత్వంలో బన్నీ సినిమా ఉండబోతుందనే వార్తలు వస్తున్నాయి. ఇప్పటికే హ్యాట్రిక్ కొట్టిన బన్నీ.. త్రివిక్రమ్‌ లు డబుల్‌ హ్యాట్రిక్ పై కన్ను వేశారు.

త్రివిక్రమ్‌ దర్శకత్వంలోనే కాకుండా వరుసగా భారీ పాన్‌ ఇండియా సినిమాలను బన్నీ చేసేందుకు గ్రీన్‌ సిగ్నల్‌ ఇస్తున్నాడు. అందుకు సంబంధించిన చర్చలు కూడా జరుగుతున్నాయి. ప్రశాంత్‌ నీల్‌ దర్శకత్వంలో కూడా బన్నీ సినిమా ఉందనే వార్తలు వస్తున్నాయి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.