నిన్నటి తరం లెజండరీ నటి సావిత్రి జీవిత గాథతో తెరకెక్కించిన మహానటి బాక్సాఫీస్ ను బాగా ఆకట్టుకుంది. సావిత్రి జీవితాన్ని తెరకెక్కించిన విధానానికి టాలీవుడ్ అంతా మహానటి టీంపై ప్రశంసల వర్షం కురిపిస్తోంది. సినిమా డైరెక్టర్ నాగ్ అశ్విన్ అండ్ ప్రొడ్యూసర్లయిన అశ్వినీదత్.. ఆయన కుమార్తెల కష్టాన్ని ప్రతి ఒక్కరూ మెచ్చుకుంటున్నారు.
మహానటి సక్సెస్ కావడాన్ని అభినందిస్తున్న సెలబ్రిటీల్లో స్టయిలిష్ స్టార్ అల్లు అర్జున్ కూడా చేరాడు. ఈ సినిమా సక్సెస్ పార్టీకి తండ్రి అల్లు అరవింద్ తో కలిసి అటెండయ్యాడు. దీనికి సంబంధించిన ఫొటోను స్వయంగా తన ట్విట్టర్ లో షేర్ చేశాడు. ఈ సందర్భంగా తన తండ్రి అరవింద్ కు.. మహానటి ప్రొడ్యూసర్ అశ్వనీదత్ కు ఉన్న ఫ్రెండ్ షిప్ ను ప్రస్తావిస్తూ మరీ బెస్ట్ విషెస్ చెప్పాడు. మహానటి టీం, డైరెక్టర్ నాగ్ అశ్విన్ కు హ్యాట్సాఫ్ అంటూ కామెంట్ పెట్టాడు. బన్నీ షేర్ చేసిన ఫొటోలో అరవింద్ తోపాటు మ్యూజిక్ డైరెక్టర్ కీరవాణి - డైరెక్టర్ రాజమౌళి - హీరో విజయ్ దేవరకొండ - అశ్వనీదత్ ఫ్యామిలీ - మహానటి డైరెక్టర్ నాగ్ అశ్విన్ ఉన్నారు.
మహానటి సినిమా కమర్షియల్ హిట్ కావడమే కాదు.. ప్రతిష్ఠాత్మకమైన వైజయంతి మూవీస్ బ్యానర్ పేరు నిలబెట్టింది. ప్రొడ్యూసర్ అశ్వనీదత్ కు ఇది రెట్టింపు ఉత్సాహాన్ని ఇస్తోంది. అల్లు అరవింద్ కు ఆయన ఫ్రెండ్ అండ్ పార్టనర్. అందుకే తన తండ్రి ఉత్సాహంగా కనిపిస్తున్నారంటూ బన్నీ తన ట్వీట్ లో ఈ విషయాన్ని ప్రత్యేకంగా ప్రస్తావించాడు.