లాక్ డౌన్ ముందు శిరీష్.. ఇప్పుడు శిరీష్!

టాలీవుడ్ యువహీరో అల్లు శిరీష్ గురించి ఇండస్ట్రీలో ఎలాంటి ఊసేలేదు. గత కొంతకాలంగా శిరీష్ అసలు బయట కూడా పెద్దగా కనిపించడం లేదు. అలాగే శిరీష్ సినిమాల గురించి కూడా ఎలాంటి సినిమాల సమాచారం లేదు. ఎప్పుడో ఏబీసీడీ సినిమాలో చివరిగా కనిపించిన ఈ హీరో.. లాక్ డౌన్ అయిపోయాక కూడా సినిమాలలో కనిపించలేదు. అయితే ఇలాంటి ఎన్నో సందేహాలతో మెగాఫ్యాన్స్, అల్లు ఫ్యామిలీ ఫ్యాన్స్ ఎదురుచూస్తున్నారు. అంటే బయట అభిమానులకు తెలియదు వాళ్ల అభిమాన హీరో ఏం చేస్తున్నాడో. మరి ఏదైనా కొత్త సినిమతో బిజీగా ఉన్నాడా అంటే అది కూడా అభిమానులకు తెలియదు. మధ్యలో కరోనాకాలం వచ్చింది కాబట్టి శిరీష్ ఇంటిపట్టునే ఉన్నాడు. మరి చాలామంది హీరోలు తమ తదుపరి సినిమాల గురించి ప్రకటించేసారు. అలాగే శిరీష్ సోషల్ మీడియాలో కూడా పెద్దగా కనిపించడు.

అయితే దాదాపు లాక్ డౌన్ ముగిసిన ఇన్నిరోజులకు శిరీష్ కెమెరా ముందు మెరిసాడు. అదికూడా కొత్త సినిమా ట్రైలర్ లాంచ్ కార్యక్రమంలో శిరీష్ ప్రత్యక్షమయ్యాడు. కానీ ఈసారి శిరీష్ లో చాలా మార్పులు మనం చూడవచ్చు. బ్లూ షర్ట్, జీన్స్ ప్యాంటు ధరించి శిరీష్ చాలా హ్యాండ్సమ్ లుక్కులో కనిపిస్తున్నాడు. నిజంగా లాక్ డౌన్ ముందు శిరీష్.. ఇప్పుడు చూస్తున్న శిరీష్ ను గమనిస్తే ఎవరైనా ఆశ్చర్యపోవాల్సిందే. అంతలా తన బాడీని మేకోవర్ చేసాడు ఈ మెగాహీరో. అలాగే 'లవ్ లైఫ్ అండ్ పకోడీ' మూవీ ట్రైలర్ లాంచ్ చేసి చాలా ఉత్సాహంగా మాట్లాడాడు. మార్చ్ 12న విడుదల కాబోతున్న ఈ సినిమాకు, సినీబృందానికి శుభాకాంక్షలతో పాటు బెస్ట్ విషెస్ తెలిపాడు శిరీష్. ఇదిలా ఉండగా.. శిరీష్ ప్రస్తుతం సైలెంట్ గా ఓ సినిమా పూర్తిచేస్తునట్టు సమాచారం. అంతేగాక ఆ సినిమా షూటింగ్ కూడా 70% వరకు పూర్తయినట్లు తెలుస్తుంది. చూడాలి మరి త్వరలోనే శిరీష్ నుండి ఏదైనా క్రేజీ న్యూస్ వినిపిస్తుందేమో!