అన్న అల్లు అర్జున్ ని ఫాలో అవుతున్న తమ్ముడు శిరీష్..!

మెగా ఫ్యామిలీ హీరోగా.. అల్లు అర్జున్ తమ్ముడిగా ఇండస్ట్రీలో అడుగుపెట్టాడు అల్లు శిరీష్. 'గౌరవం' అనే కథాబలం ఉన్న సినిమాతో కెరీర్ స్టార్ట్ చేసిన శిరీష్ బాక్సాఫీస్ వద్ద ప్రభావం చూపించలేకపోయాడు. 'కొత్త జంట' 'శ్రీరస్తు శుభమస్తు' 'ఒక్క క్షణం' వంటి సినిమాల్లో నటించాడు. ఆ సినిమాలన్నీ దర్శకులకి ప్లస్ అయ్యాయి కానీ హీరో శిరీష్ కి మాత్రం ఉపయోగపడలేదు. దీంతో కాస్త గ్యాప్ తీసుకొని మ‌ల‌యాళ హిట్ ఫిల్మ్ 'ఏబీసీడీ' ని అదే పేరుతో రీమేక్ చేశాడు. అయితే 'ఏబీసీడీ' కూడా ప్లాప్ అవడంతో అల్లు శిరీష్ నెక్స్ట్ ప్రాజెక్ట్ విషయంలో ఆచితూచి అడుగులు వేస్తున్నాడు. ఈ నేపథ్యంలో తదుపరి సినిమా కొంత భాగం షూటింగ్ జరిగిన తర్వాత అనౌన్స్ చేయాలని అనుకుంటున్నాడట.

అల్లు అర్జున్ త్రివిక్రమ్ శ్రీనివాస్ దర్శకత్వంలో నటించిన 'అల వైకుంఠపురంలో' సినిమాని చాలా భాగం షూటింగ్ జరిపిన తర్వాత ప్రకటించారనే టాక్ ఉంది. సంక్రాంతి కి విడుదలైన ఈ చిత్రం సూపర్ సక్సెస్ అయింది. ఇప్పుడు అల్లు శిరీష్ కూడా అన్న బన్నీ బాటలోనే నడవనున్నాడట. సాలిడ్ స్క్రిప్ట్ రెడీ అయ్యాక షూటింగ్ చేసి, టీజ‌ర్ చేతికొచ్చాకే సినిమా అనౌన్స్ చేయాలని ఆలోచిస్తున్నాడట. హీరోగా నిలదొక్కుకునేందుకు ఎంతో కష్టపడుతున్న అల్లు శిరీష్ ఈసారి ఎలాంటి సినిమాతో ప్రేక్షకుల ముందుకు వస్తాడో చూడాలి.