దర్శకుడు అంత భయపెట్టాడా!?

బ్రిటన్ అందం అమీ జాక్సన్ ప్రస్తుతం రోబో సీక్వెల్ 2.0 మూవీలో నటిస్తున్న సంగతి తెలిసిందే. సూపర్ స్టార్ రజినీకాంత్ హీరోగా.. శంకర్ దర్శకత్వంలో రూపొందుతున్న ఈ మూవీపై అంచనాలు చాలానే ఉన్నాయి. ఈ సినిమాలో ఈ పాత్రను తను చేసే అవకాశం రావడం.. తనకు జీవితంలో ఒకసారి మాత్రమే దక్కే ఛాన్స్ అంటోంది అమీ.

'2.0 మూవీ కోసం పూర్తి రహస్యంగా షూటింగ్ చేయాల్సి ఉంటుంది. కానీ దర్శకుడు శంకర్ కు ఉన్న విజన్ మాత్రం అద్భుతం. ఆయన ఆలోచించే విధానాన్ని.. ఆన్ స్క్రీన్ పైకి తీసుకురావడం చూస్తే.. అసలు నమ్మబుద్ధేయదు. ఇప్పటివరకూ అలాంటి వ్యక్తిని నేను ఎన్నడూ కలవలేదు. ఇంకా 2.0 కోసం మరికొన్ని రోజుల షూటింగ్ మాత్రమే మిగిలి ఉంది. నాలోని నటిని బయటకు తీశారు శంకర్. ఇంతకంటే ఎక్కువ చెప్పినా.. ఏమైనా లీక్ చేసినా.. నేను పెద్ద సమస్యల్లో ఇరుక్కుంటాను' అంటూ శంకర్ కి భయపడుతున్నట్లుగా చెబుతోంది అమీ జాక్సన్.

ఇది నిజమైన భయం కాకపోయినా.. 2.0 ప్రాజెక్టు విషయంలో తీసుకుంటున్న జాగ్రత్తలు మాత్రం ఆశ్చర్యం కలిగించేవే. చిన్న విషయం కూడా లీక్ కాకుండా.. జాగ్రత్త పడుతున్నాడు దర్శకుడు. రోబో 2.0 మూవీలో నటిగా ఆన్ స్క్రీన్ పై తనను కొత్త కోణం లో చూస్తారంటోంది అమీ జాక్సన్.

Like Us on Facebook : https://www.facebook.com/Tupakidotcom/