ఎన్టీఆర్ నెక్ట్స్ ఖాయం చేసేశాడట

జనతా గ్యారేజ్ మూవీ సెప్టెంబర్ ప్రారంభంలో వచ్చింది. జూనియర్ ఎన్టీఆర్ బ్లాక్ బస్టర్ కొట్టేసి రెండు నెలలు దాటిపోయింది. ఇప్పటివరకూ యంగ్ టైగర్ కొత్త సినిమాపై క్లారిటీ లేదు. ఆ దర్శకుడు.. ఈ డైరెక్టర్.. అంటూ పేర్లు వినిపించడమే తప్ప ఎన్టీఆర్ ని మెప్పించారనే మాట మాత్రం వినిపించలేదు.

మొదట వక్కంతం వంశీ.. ఆ తర్వాత పూరీ జగన్నాథ్ ల పేర్లు వినిపించగా.. తమిళ యంగ్ డైరెక్టర్ అట్లీ చెప్పిన లైన్ ఎన్టీఆర్ కి నచ్చిందని అన్నారు. ఇక చందూ మొండేటి.. త్రివిక్రమ్ శ్రీనివాస్.. వివి వినాయక్ ల పేర్లు కూడా గట్టిగానే వినిపించాయి. ఇన్నేసి న్యూస్ లు  వస్తున్న ఎన్టీఆర్ నుంచి కానీ ఆయన టీం నుంచి కానీ ఏ మాత్రం స్పందన రాలేదు. ఇప్పుడు పటాస్.. సుప్రీం చిత్రాల దర్శకుడు అనిల్ రావిపూడి.. ఎన్టీఆర్ ని ఒప్పించాడని తెలుస్తోంది.

కొన్ని రోజులుగా ఎన్టీఆర్.. అనిల్ రావిపూడి విపరీతంగా చర్చించేసుకుంటున్నారని టాక్. ఇప్పటికే స్క్రిప్ట్ లాక్ చేసుకున్నారని తెలుస్తోంది. ఇది ఫుల్ లెంగ్త్ కమర్షియల్ ఎంటర్టెయినర్ అంటున్నారు.

గతంలో ఎనర్జిటిక్ హీరో రామ్ తో దిల్ రాజు నిర్మాణంలో ఈ సబ్జెక్ట్ చేయాల్సి ఉండగా.. ఇప్పుడు ఎన్టీఆర్ మూవీని కూడా దిల్ రాజు బ్యానర్ లోనే నిర్మించే అవకాశం ఉంది. రామ్ తో క్యాన్సిల్ అయిన సబ్జెక్ట్ కు.. ఎన్టీఆర్ కు తగ్గట్లుగా బోలెడన్ని వాల్యూ అడిషన్స్ చేసేసి.. యంగ్ టైగర్ ని ఒప్పించేశాడట అనిల్ రావిపూడి.

Like Us on Facebook : https://www.facebook.com/Tupakidotcom/