ఓరి దేవుడో.. స్వీటీ కూడానా?!

నాగార్జున‌ని మ‌న్మ‌థుడు అని ఊరికే అన‌లేదు. క‌థానాయిక‌ల‌తో క‌లిసి తెర‌పై రొమాన్స్ చేయ‌డంలో ఆయ‌న ముందు వ‌ర‌స‌లో ఉంటాడు. అందుకే నాగ్ సినిమా అన‌గానే గ్లామ‌ర్ హంగుల్ని బ‌లంగా జోడిస్తుంటారు ద‌ర్శ‌కులు. త్వ‌ర‌లో ప్రేక్ష‌కుల ముందుకు రానున్న కొత్త సినిమా `సోగ్గాడే చిన్ని నాయ‌నా` చిత్రంలో కూడా న‌లుగురు క‌థానాయిక‌లున్న సంగ‌తి తెలిసిందే. ర‌మ్య‌కృష్ణ‌ - లావ‌ణ్య త్రిపాఠి - అన‌సూయ‌ - హంసానందినిలతో క‌లిసి నాగ్  రొమాన్స్ చేశాడు. అయితే ఈ జాబితా మ‌రింత పెరిగే అవ‌కాశాలున్నాయ‌ని ఫిల్మ్ న‌గ‌ర్ టాక్‌.

 సోగ్గాడే చిన్ని నాయ‌నాలో ఐదో కథానాయిక కూడా ఉంద‌ట‌. ఆ విష‌యాన్ని చిత్ర‌బృందం గోప్యంగా ఉంచింద‌ట‌. ఆ ఐదో హీరోయిన్‌ గా అనుష్క క‌నిపించ‌బోతోంద‌ని జ‌నాలు చెవులు కొరుక్కొంటున్నారు. నాగ్ `ఊపిరి`లో అనుష్క గెస్ట్ రోల్ చేస్తోంద‌న్న విష‌యం ముందే తెలుసు. కానీ సోగ్గాడే చిన్ని నాయ‌నాలోనూ ఆమె గెస్ట్‌ గా న‌టించింద‌న్న‌ది తాజా టాక్‌. సినిమా విడుద‌ల వ‌ర‌కు ఆ విష‌యాన్ని గోప్యంగా ఉంచాల‌నుకుంద‌ట చిత్ర‌బృందం. అనుష్క‌కీ - అన్న‌పూర్ణ కాంపౌండ్‌ కీ విడ‌దీయ‌రాని అనుబంధం ఉంది. ఆ సంస్థ నుంచే అనుష్క ప‌రిచ‌యమైంది. ఆ అనుబంధంతోనే అక్కినేని క‌థానాయ‌కుల చిత్రాల్ని అనుష్క స్పెష‌ల్‌ గా ట్రీట్ చేస్తుంటుంది.