ఆమెను అలా చూసిన కళ్లతో..

ఒక్కసారి సూపర్ రోజులకు వెళ్లండి. అనుష్కది మామూలు ఎంట్రీనా అసలు? ఆ సినిమా ఫ్లాప్ అయినా టాలీవుడ్ లో తిష్ట వేసుక్కూర్చుంది అనుష్క. దశాబ్ద కాలంగా ఇటు టాలీవుడ్లో, అటు కోలీవుడ్లో తిరుగులేని హవా సాగిస్తూ టాప్ హీరోయిన్లలో తనకంటూ ఓ ప్రత్యేకమైన గుర్తింపుతో సాగిపోతోంది అనుష్క. మామూలుగా 30 ప్లస్ లో పడ్డ హీరోయిన్లు గ్లో కోల్పోతారు. చూడ్డానికి ఎబ్బెట్టుగా తయారవుతారు. శ్రియ, త్రిష లాంటి హీరోయిన్లే ఇందుకు నిదర్శనం. కానీ అనుష్కను ఇలాంటి వాళ్ల సరసన చేర్చలేం. యోగా ఎఫెక్టో ఏమో కానీ.. ఇప్పటికీ నవనవలాడిపోతోంది బెంగళూరు అందం. ఇప్పటికీ ఆమెను ఎంచక్కా గ్లామర్ రోల్స్ లో చూడొచ్చు. కానీ అనుష్క మాత్రం డీగ్లామరస్ రోల్స్ తో జనాలకు షాకుల మీద షాకులిస్తూ సాగిపోతోంది.

ఇప్పటికే బాహుబలి సినిమాలో దేవసేనగా ఆమె అవతారం చూసి జనాలకు మతిపోయింది. అనుష్కను ఎలాగెలాగో చూసిన కళ్లతో ఆ ముసలి అవతారంలో చూడ్డం కుర్రాళ్లకు చాలా ఇబ్బందైంది. మళ్లీ అందమైన అనుష్కను చూసి ఆ జ్నాపకాల్ని చెరిపేద్దాం అనుకుంటుంటే.. ఇప్పుడు ‘సైజ్ జీరో’లో భారీ సైజ్ తో అభిమానుల ముందుకొచ్చింది జేజెమ్మ. లేడీ లడ్డూబాబులా అనుష్కను అంత భారీ అవతారంలో చూసి జనాలు షాకయ్యారు. ‘బాహుబలి’లో కొన్ని నిమిషాల  పాత్ర కాబట్టి ఓకే.. కానీ ‘సైజ్ జీరో’లో అనుష్క ఈ భారీ అవతారంలో చాలా సేపే కనిపిస్తుందని తెలుస్తోంది. ఇలా భారీగా ఉన్న అమ్మాయి సన్నబడి నాజూగ్గా ఎలా తయారైందన్న కాన్సెప్ట్ తో నవ్వులు పండించాలని చూస్తున్నాడు దర్శకుడు ప్రకాష్ కోవెలమూడి. ఐతే సినిమా అంత ఫన్నీగా సాగుతుందని.. అనుష్కను అలా చూడ్డం ఇబ్బందిగా ఏమీ ఉండదని.. అనుష్క అభిమానులకు కూడా ఈ సినిమా బాగా నచ్చుతుందని చెబుతున్నాడు ప్రకాష్. చూద్దాం.. అతడి మాటల్లో వాస్తవమెంతో!