అనుష్క అని తెలుగులో ఓ స్టార్ హీరోయిన్ ఉండేది గుర్తుందా...? అదేనండీ అరుంధతి - బాహుబలి లాంటి బ్లాక్‌ బస్టర్ సినిమాల్లో నటించిందే ఆ అమ్మాయేనండోయ్. ఏంటీ వెటకారం అనుకుంటున్నారా..? మరి సౌత్ ఇండియా మొత్తం ఫేమస్ అయిన ఓ స్టార్ హీరోయిన్ మూడు నెలలుగా ఎక్కడా కనిపించకపోతే ఎలా ఉంటంది చెప్పండి? అప్పుడెప్పుడో ‘సైజ్ జీరో’ విడుదలకు ముందు ప్రమోషన్లలో కనిపించడమే ఆఖరు. ఆ తర్వాత అనుష్క ఎక్కడా దర్శనమిచ్చింది లేదు. ‘బాహుబలి-2’ కోసం తాను చాలా బరువు తగ్గాల్సి ఉందంటూ చివరగా ఇంటర్వ్యూలో చెప్పిన అమ్మాయి.. ఆ తర్వాత ఉన్నట్లుండి అదృశ్యమైంది.
బహుశా ‘సైజ్ జీరో’ కోసం పెంచిన అదనపు క్యాలరీల్ని కరిగించే పనిలో ఉందేమో జేజెమ్మ. ఐతే తాను తగ్గాల్సింది ఇంకో పది కిలోలే అని చెప్పింది అనుష్క అప్పట్లో. కష్టపడితే ఓ రెండు నెలల్లో పూర్వపు స్థితికి వచ్చేయడం పెద్ద కష్టమేమీ కాదు. మరి అనుష్క ఏం చేస్తోందో ఏంటో? తన అభిమానులు మాత్రం మూడు నెలలకు పైగా ఆమె కనిపించకపోయేసరికి బెంగ పెట్టేసుకుంటున్నారు. ఓ స్టార్ హీరోయిన్ ఇన్ని రోజులు ఎక్కడా బయట కనిపించకపోవడం అరుదైన విషయం. బహుశా తన మునుపటి రూపాన్ని నేరుగా సినిమాలోనే చూపించాలని భావిస్తోందేమో అనుష్క. ఆల్రెడీ ‘బాహుబలి-2’ రెగ్యులర్ షూటింగ్ జరుగుతోంది. ప్రభాస్ సహా ప్రధాన పాత్రధారుల మీద సన్నివేశాలు చిత్రీకరిస్తున్నాడు జక్కన్న. అనుష్క నేరుగా అక్కడికి వెళ్లిపోయి ఈ షూటింగుకే అంకితమైపోతుందేమో. కాబట్టి ఇంకొన్ని నెలలు జేజెమ్మ బయట కనిపించడం అనుమానమే.
బహుశా ‘సైజ్ జీరో’ కోసం పెంచిన అదనపు క్యాలరీల్ని కరిగించే పనిలో ఉందేమో జేజెమ్మ. ఐతే తాను తగ్గాల్సింది ఇంకో పది కిలోలే అని చెప్పింది అనుష్క అప్పట్లో. కష్టపడితే ఓ రెండు నెలల్లో పూర్వపు స్థితికి వచ్చేయడం పెద్ద కష్టమేమీ కాదు. మరి అనుష్క ఏం చేస్తోందో ఏంటో? తన అభిమానులు మాత్రం మూడు నెలలకు పైగా ఆమె కనిపించకపోయేసరికి బెంగ పెట్టేసుకుంటున్నారు. ఓ స్టార్ హీరోయిన్ ఇన్ని రోజులు ఎక్కడా బయట కనిపించకపోవడం అరుదైన విషయం. బహుశా తన మునుపటి రూపాన్ని నేరుగా సినిమాలోనే చూపించాలని భావిస్తోందేమో అనుష్క. ఆల్రెడీ ‘బాహుబలి-2’ రెగ్యులర్ షూటింగ్ జరుగుతోంది. ప్రభాస్ సహా ప్రధాన పాత్రధారుల మీద సన్నివేశాలు చిత్రీకరిస్తున్నాడు జక్కన్న. అనుష్క నేరుగా అక్కడికి వెళ్లిపోయి ఈ షూటింగుకే అంకితమైపోతుందేమో. కాబట్టి ఇంకొన్ని నెలలు జేజెమ్మ బయట కనిపించడం అనుమానమే.