సాదారణంగా ఎంత పెద్ద హీరోల చిత్రాలైనా ఈ రోజుల్లో విడుదలైన కొన్ని నెలలకే బుల్లి తెరపై ప్రసారం అవుతున్నాయి. కొన్ని సినిమాలైతే నెలకే దర్శనం ఇస్తున్నాయి. మరికొన్ని అయితే కనీసం 50 రోజులు కూడా థియేటర్స్ లో అడకముందే టివిల్లోకి వచ్చేస్తున్నాయి. అయితే ఒక భారీ సినిమా మాత్రం రెండేళ్ల తర్వాత టీవీల్లో తెలిక్యాస్ట్ అవ్వడం షాకింగ్ అనే చెప్పాలి.
ప్రతి దర్శకుడూ జీవితంలో ఒక గొప్ప సినిమా తీయలనుకుంటాడు. అదే తరహాలో డైరెక్టర్ గుణ శేఖర్ తన డ్రీమ్ మూవీ రుద్రమదేవి ని ఎంతో ప్రతిష్టాత్మకంగా తెరకెక్కించాడు. సినిమాను కూడా తనే భారీ బడ్జెట్ తో నిర్మించాడు. కానీ సినిమా అనుకున్నంతగా హిట్ అవ్వలేదు. రుద్రమదేవి సినిమా భారీ అంచనాలతో 2015 అక్టోబర్ 9న రిలీజ్ అయ్యింది. సినిమాను ఎక్కువ థియేటర్స్ లో రిలీజ్ చేయడం వలన.. అలాగే అల్లు అర్జున్ పాత్ర ఆకట్టుకోవడం వలన.. కేవలం నష్టాల నుండి తప్పించుకొంది.
అయితే ఇప్పుడు రెండేళ్ల తర్వాత ఆ సినిమా బుల్లితెరపై కనిపించనుంది. అనుకున్నంతగా శాటిలైట్ ధరకు కూడా అమ్ముడుపోని రుద్రమదేవి ఫైనల్ గా ఈ నెల 15న ఈటీవీ ఛానల్ లో ప్రసారం కానుంది.