ఛలో హీరోతో అరుంధతి?

భాగమతి తర్వాత ఏడాది గ్యాప్ తీసుకుని మాయమైపోయిన స్వీటీ అనుష్క మళ్ళీ సైలెన్స్ (తెలుగు నిశ్శబ్దం)అనే మల్టీ లాంగ్వేజ్ మూవీ కోసం మేకప్ వేసుకున్న సంగతి తెలిసిందే. ఇప్పటికే కీలక భాగం షూటింగ్ లో ఉన్న ఈ సినిమా వచ్చే ఏడాది విడుదల చేసేందుకు ప్లానింగ్ చేసుకున్నారు నిర్మాతలు. దీంతో పాటు సైరాలోనూ స్వీటీ కీలకమైన చిన్న క్యామియో చేసిందన్న టాక్ ఉంది కానీ యూనిట్ ఇంకా నిర్ధారించలేదు.

ఇక దీని తర్వాత అనుష్క ఏ సినిమాలో నటిస్తుందన్న ఆసక్తి అభిమానుల్లో ఉంది. తాజా అప్ డేట్ ప్రకారం దర్శకేంద్రుడు రాఘవేంద్ర రావు నాగ శౌర్యతో రూపొందించబోయే క్రేజీ ప్రాజెక్ట్ కు ఓకే చెప్పిందన్న టాక్ ఫిలిం నగర్ లో జోరుగా సాగుతోంది. ముగ్గురు దర్శకులతో మూడు ప్రేమ కథలు తీయించి ఒకే సినిమాగా వాటిని ఇంటర్ లింక్ చేస్తూ సరికొత్త తరహాలో దర్శకేంద్రుడు రాఘవేంద్ర రావు చేస్తున్న ఈ ప్రయత్నం త్వరలో కార్యరూపం దాల్చబోతోంది.

 ఇప్పటికే క్రిష్ బివిఎస్ రవిలు తమ అంగీకారం తెలిపారని టాక్ ఉండగా మూడో డైరెక్టర్ గా అనిల్ రావిపూడి పేరు గట్టిగానే వినిపిస్తోంది. వీళ్ళు ఎవరు ఉన్నా లేకపోయినా అనుష్కతో పాటు హీరో పాత్ర కామన్ గా ఉంటుంది. అయితే అనుష్క లాంటి సీనియర్ స్టార్ హీరోయిన్ తో నాగ శౌర్య చేస్తున్నాడు అంటే ఇదీ ఫిమేల్ ఓరియెంటెడ్ సబ్జెక్టు అన్న కామెంట్స్ అప్పుడే మొదలైపోయాయి. దీనికి సంబంధించిన వివరాలు మాత్రం ఇంకా రివీల్ చేయడం లేదు. ఇవన్నీ ఫైనల్ చేసి బహుశా అశ్వద్ధామ షూటింగ్ పూర్తయ్యాక వెల్లడి చేయొచ్చు