క‌ల‌వ‌ర పెడుతున్న కింగ్ ఖాన్ వార‌సుడు

ఖాన్ ల త్ర‌యం నుంచి వార‌సులు ప‌రిశ్ర‌మ‌లో లేక‌పోవ‌డం పెద్ద లోటు. ఖాన్ ల త్ర‌యం ఇంత‌టితో అంత‌రించింది అని చెప్పుకోవాల్సిన స‌న్నివేశ‌మే క‌నిపిస్తోంది. స‌ల్మాన్ బ్యాచిల‌ర్. అమీర్ కి కొడుకు ఉన్నా కానీ అత‌డి రూపం చూశాక న‌టుడ‌య్యే ఆలోచ‌న‌లో లేడు అని అర్థ‌మైంది. ఇక కింగ్ ఖాన్ వార‌సుడు ఆర్య‌న్ ఖాన్ స్మార్ట్ బోయ్ అన్న సంగ‌తి తెలిసిందే. ఆర్య‌న్ న‌టుడు అయితే ఒక రేంజులో బాక్సాఫీస్ లు బ‌ద్ధ‌ల‌వ్వడం ఖాయ‌మ‌ని భావిస్తున్నారు. కానీ ఆర్య‌న్ ఆలోచ‌న‌లు వేరేగా ఉన్నాయి. అతడు పూర్తిగా తెర‌వెన‌కే మిగిలిపోయ‌నున్నాడ‌ని గుస‌గుస వినిపిస్తోంది.

బాలీవుడ్ బాద్ షా షారూఖ్ ఖాన్ తనయుడు ఆర్యన్ ఖాన్ గత ఏడాది డ్రగ్స్ కేసులో అరెస్టవ్వ‌డంతో దేశవ్యాప్తంగా అత‌డి పేరు ప్ర‌ముఖంగా వినిపించింది. అయితే ఆర్య‌న్ తన తండ్రిలానే యాక్టర్ అవుతాడని అంతా అనుకున్నారు. అయితే ఆర్యన్ న‌టుడవ్వాల‌నుకోవడం లేదు. దర్శకుడిగా మారాలనే లక్ష్యంతో ఉన్నాడని తెలిసింది.

ఇప్పటికే అదే దిశగా కసరత్తు ప్రారంభించాడు. తాజా స‌మాచారం మేర‌కు.. ఆర్యన్ ఇటీవల తన తొలి దర్శకత్వంలో వెబ్ సిరీస్ కోసం టెస్ట్ షూట్ చేసాడు. కొన్ని రోజుల క్రితం ముంబైలో ఈ షూటింగ్ జరిగింది. ఈ షూటింగ్ సమయంలో సెట్ లో పూర్తి బాధ్యతను ఆర్య‌న్ తీసుకున్నాడు. ఆర్యన్ దీనికి దర్శకత్వం వహించడమే కాకుండా ఈ సిరీస్ స్క్రిప్ట్ ను కూడా రాశారు.

ఆర్య‌న్ ప‌ని చేస్తున్న ఓటీటీ సిరీస్ లో నటుడు ప్రిత్ కమానీ కీల‌క పాత్ర పోషిస్తున్నాడు. అత‌డు కూడా సెట్స్ లో కనిపించినట్లు సమాచారం. అయితే ఆయన ఈ ప్రాజెక్ట్ లో భాగమా లేదా అనేది తెలియరాలేదు. ఈ వెబ్ సిరీస్ కు సంబంధించిన మరిన్ని వివరాలు త్వరలో ప్రకటించే అవకాశం ఉంది. నిజానికి ఆర్య‌న్ న‌టుడు కాక‌పోతే క‌ల‌త చెందే వీరాభిమానులున్నారు. షారూక్ త‌ర్వాత మ‌ళ్లీ అలాంటి వేవ్ అత‌డి వ‌ల్ల‌నే సాధ్య‌మ‌ని ఫ్యాన్స్ భావిస్తున్నారు. కానీ ఆర్య‌న్ ప్లానింగ్ చూస్తుంటే క‌ల‌వ‌ర‌పెడుతోంది.