పెళ్లి తర్వాత అసిన్.. ఇలా అయింది

‘గజిని’ సినిమాలో ఒక మొబైల్ నెట్ వర్క్ కంపెనీ అధినేతను ప్రేమలోకి దించుతుంది అసిన్. ఆశ్చర్యకరంగా నిజ జీవితంలో ఒక మొబైల్ కంపెనీ యజమానినే పెళ్లాడి అందరికీ పెద్ద షాకే ఇచ్చింది మలయాళ కుట్టి. మైక్రో మ్యాక్స్ అధినేత రాహుల్ శర్మను గత ఏడాది పెళ్లాడిన అసిన్.. ఆ తర్వాత బయట పెద్దగా కనిపించింది లేదు. తాజాగా ఒక వేడుకలో ఈ జంట తళుక్కుమంది. ఆ వేడుకలో అందరి దృష్టీ రాహుల్-అసిన్ జోడీ మీదే నిలిచింది.

వాళ్లిద్దరూ ఆ రేంజిలో తయారై వచ్చారా వేడుకకు. పెళ్లి తర్వాత కూడా అసిన్ లో ఏమాత్రం గ్లామర్ తగ్గకపోవడం వివేషం. చేతి వేళ్లకు వజ్రాలు పొదిగిన ఉంగరాలు.. మెడకు డైమండ్ నెక్లెస్ ధరించి.. డిజైనర్ వేర్ లో మెరిసిపోయింది అసిన్. మరోవైపు రాహుల్ కూడా లగ్జరీ బ్లాక్ సూట్లో తయారై వచ్చాడు. పెళ్లయిన తర్వాత ఈ జంట ఎక్కువగా విదేశాల్లోనే గడుపుతుండటం విశేషం. ప్రస్తుతం వీళ్లిద్దరి డెస్టినేషన్ ఇటలీ. ఆ దేశ పర్యటనకు సంబంధించిన ఫొటోల్ని సోషల్ మీడియాలోనూ షేర్ చేసింది అసిన్. మొత్తానికి ఒక బడా బాబును పెళ్లాడి జీవితాన్ని అద్భుతంగా ఆస్వాదిస్తోంది అసిన్. ఆమె చాలా లక్కీ అని తోటి హీరోయిన్లు అసూయ చెందుతుంటారేమో.


Like Us on Facebook : https://www.facebook.com/Tupakidotcom/