షారూక్ ఖాన్ నటించిన రయీస్ మూవీ ఈ నెల 25న రిలీజ్ కాబోతోంది. ఈ చిత్రంపై అంచనాల సంగతి పక్కన పెడితే.. ఈ మూవీతో పాటు బాహుబలి దిం కంక్లూజన్ టీజర్ ను కలిపి ప్రదర్శించబోతున్నారంటూ.. బాలీవుడ్ మీడియాలు కథనాలు వెలువరించింది. అవే ఇక్కడ కూడా రిపీట్ అయ్యాయి.
జనవరి6న బాహుబలి2 షూటింగ్ ముగించి గుమ్మడికాయ కొట్టామని యూనిట్ అధికారికంగానే చెప్పింది. ఆ తర్వాత రయీస్ తో బాహుబలి టీజర్ రూమర్లు బయల్దేరాయి. బాహుబలి2 టీజర్ ను హిందీ మూవీతో జత చేయడంపై తెలుగు రాష్ట్రాల్లో విమర్శలు వెల్లువెత్తాయి. ఇప్పుడు వీటన్నిటిపై బాహుబలి యూనిట్ క్లారిటీ ఇచ్చింది. షారూక్ ఖాన్ మూవీతో కలిపి.. తమ చిత్రం టీజర్ ప్రదర్శించబోవడం లేదని.. అసలు అలాంటి ఆలోచన ఏదీ చేయలేదని తెలిపింది.
టీజర్ ను సిద్ధం చేసుకుంటున్న మాట వాస్తవమే అయినా.. ఇప్పటివరకూ దాని రిలీజ్ డేట్ పై ఎలాంటి ఆలోచన చేయలేదట. ప్రస్తుతం తమ దృష్టి అంతా.. పోస్ట్ ప్రొడక్షన్ పైనే పెట్టామని.. ప్రమోషన్స్ విషయంలో ఇంకా ఎటువంటి ప్రణాళికలు ప్రారంభించలేదని తేల్చేశారు బాహుబలి మేకర్స్. అయితే.. రిలీజ్ డేట్ విషయంలో ఏప్రిల్ 28కి కట్టుబడి ఉన్నామని చెప్పడం విశేషం.
Like Us on Facebook : https://www.facebook.com/Tupakidotcom/