టీ-షర్టులు కూడా వదలవా రాజమౌళి

ఇప్పుడు బాహుబలి టీమ్ అంతా కూడా సినిమాతో పాటు ఇంకా చాలా అమ్మేయాలనే చూస్తున్నారు. అదిగో ఎలాగో సినిమా ఫైనల్ కట్ అయిపోయి.. సెన్సార్ కాపీ హార్డ్ డిస్కుల్లోకి కూడా ఎక్కేస్తోంది కాబట్టి.. ఇక రాజమౌళి అమ్మకాల్లో పడ్డాడు.

ఆల్రెడీలో ఆన్ లైన్ లో ఈ సినిమా కార్టూన్ వర్షన్ ఒకటి అమ్మకానికి ఉంది. అలాగే సినిమాకు ప్రీక్వెల్ తరహాలో రాసిన రైజ్ ఆఫ్‌ శివగామి నవల కూడా వచ్చేసింది. అది కాకుండా గేమ్ ఒకటి దించే ప్రయత్నంలో ఉన్నారు. ఇవన్నీ ఒకెత్తయితే ఇప్పుడు స్వయంగా బాహుబలి టీమే టీ-షర్టులను కూడా తయారుచేసి అమ్ముతున్నారు. పైగా వాటిని కొనుక్కోవాల్సిందిగా రాజమౌళి దగ్గరుండి మరీ ప్రచారం చేస్తున్నాడు. మొత్తానికి బాహుబలి 2 సినిమా రిలీజ్ దగ్గర పడుతున్న తరుణంలో మనోడు ఇలా మెర్చండైజింగ్ కార్యక్రమాలు బాగా మొదలుపెట్టాడండీ.

కాకపోతే హాలివుడ్ సినిమాల తరహాలో ఈ సినిమాలోని క్యారెక్టర్లు సూపర్ పవర్స్ కలిగిన క్యారక్టర్లు కాదు కాబట్టి.. బాహుబలి టీ షర్టులపై కేవలం డిజైన్లతోనే సరిపెట్టేస్తున్నారు. ఇక ప్రభాస్ బొమ్మ ఉన్న టీషర్టులైతే ఫ్యాన్స్ తప్పించి ఇతరులు కొంటారా? స్పైడర్ మ్యాన్ ఐరన్ మ్యాన్ వేరు.. ఈ మనుషల బొమ్మలు వేరు కదా!!

Like Us on Facebook : https://www.facebook.com/Tupakidotcom/