ఆకు చాటు తడిసిన బాలయ్య రకుల్

ఎన్టీఆర్ బయోపిక్ తాలూకు అప్ డేట్స్ అభిమానులను ఉక్కిరి బిక్కిరి చేస్తున్నాయి. కొత్త సినిమాల అప్ డేట్స్ వారానికి ఒకటి ఇవ్వడమే గగనంగా మారిన పరిస్థితుల్లో ఎన్టీఆర్ పోస్టర్లు ఇప్పటికే పదిహేను దాకా రావడం సంచలనమే అని చెప్పాలి. దర్శకుడు క్రిష్ ఈ విషయంలో తీసుకుంటున్న శ్రద్ధను మెచ్చుకోవాల్సిందే. ఉదయం శ్రీదేవి లుక్ లో రకుల్ ప్రీత్ సింగ్ గురించి మిశ్రమ స్పందన దక్కినప్పటికీ కేవలం ఫోటో ద్వారా జడ్జ్ మెంట్ చేయడం సరికాదని ఫ్యాన్స్ సర్దిచెప్పుకున్నారు.

ఇక ఇప్పుడు బాలయ్య రకుల్ వర్షంలో వేటగాడు సినిమాలో ఆల్ టైం సూపర్ హిట్ సాంగ్ ఆకు చాటు పిందె తడిసె పాటకు డాన్స్ చేస్తున్న పోస్టర్ వదలడంతో నందమూరి ఫ్యాన్స్ జోష్ మాములుగా లేదు. అప్పట్లో యువతరాన్ని ఉర్రూతలూపిన పాట ఇప్పటికీ ఎవర్ గ్రీన్ అనే చెప్పాలి. గతంలో 2002లో అల్లరి రాముడు సినిమాలో జూనియర్ ఎన్టీఆర్ ఆర్తి అగర్వాల్ తో కలిసి ఇదే పాటకు స్టెప్స్ వేసిన సంగతి తెలిసిందే. ఇన్నాళ్లకు బాబాయ్ అదే పాటకు డాన్స్ చేయడం అంటే విశేషమే.

 ఈరకంగా చూసుకుంటే ఆకు చాటు పిందె తడిసె పాటకు నాన్న స్వర్గీయ ఎన్టీఆర్ అబ్బాయి బాలకృష్ణ మనవడు జూనియర్ ఎన్టీఆర్ వేర్వేరుగా డాన్స్ చేయడం అంటే నిజంగా చెప్పుకోదగిన ముచ్చటే. అల్లరి రాముడులో లిరిక్స్ యధాతదంగా కాకుండా మార్చి రాయించారు. ఆ మార్పు తప్ప గెటప్ కాస్ట్యూమ్స్ అన్ని సేమ్ ఉంటాయి. మొత్తానికి ఇప్పుడే వర్షంలో తడిసిన బాలయ్య రకుల్ లను చూసి తెగమురిసిపోతున్నారు బాలయ్య అభిమానులు. ఇది మామూలు కిక్ ఇచ్చేది కాదుగా.