బాలయ్య డాన్ గెటప్ అదుర్స్

నందమూరి బాలకృష్ణ కొత్త సినిమా షూటింగ్ ఇప్పుడు పోర్చుగల్ లో జరుగుతోంది. ఇది కేవలం బాలయ్య సినిమా మాత్రమే కాదు పోకిరి పురి జగన్నాధ్ సినిమా కూడాను అందుకే ఈ సినిమాకు ఇంత క్రేజ్ ఏర్పడింది. ఒకరిది పౌరుషం మరి ఒకరిది గట్స్.. ఈ రెండు కలిసి సినిమాగా వస్తే ఎలా ఉంటుంది? ఇకపోతే కెమెరాలు, సోషల్ మీడియా ఎక్కువ అవ్వడంతో ఇప్పుడు లీకులు కూడా ఎక్కువగానే జరుతున్నాయి.

ఆ విధంగా లీకైన ఒక ఫోటోతో డాన్ బాలయ్య ఎలా ఉంటాడో తెలిసిపోయింది. గెడ్డం తో భారీ మేకప్ తో డాన్ లా కనిపిస్తున్న ఫోటో ఇప్పుడు వైరల్ అవుతోంది. ఫోటోలో ఉన్న గెటప్ అంతా క్లియర్ గా లేనప్పటికి స్క్రీన్ పై ఇది రచ్చ చేస్తుంది అని మాత్రం అర్ధమవుతోంది. ఇది తెలిసిన ఆ యూనిట్ మెంబర్స్ కూడా అవును ఇది కాదు అసలైన పిక్ మీరు స్క్రీన్ మీద చూస్తే ఇంకా గొప్పగా ఉంటుంది అని చెప్పి ఉరిస్తున్నారు. మొత్తానికి బాలయ్య ఈసారి కమర్షియల్ యాంగిల్లో ఏదో కొత్తగానే ప్రయత్నిస్తున్నాడని చెప్పాలి.

ఈ సినిమాలో రెండు పాత్రలో కనపడనున్నారు బాలయ్య. ఒకటి 'ఉస్తాద్' మరొకటి నార్మల్ రోల్. ఈ ఉస్తాద్ పాత్ర సూపర్ స్టార్ రజినీకాంత్ బాషా లో లాగా ఉండవచ్చు. కాకపోతే ఇక్కడ ముంబాయ్ డాన్ కాదు బాలకృష్ణ.  ఇంటర్నేషనల్ డాన్ గా  పోర్చుగల్ నేపధ్యంలో ఈ సినిమా బ్యాక్ డ్రాప్ ఉంటుందట.

Like Us on Facebook : https://www.facebook.com/Tupakidotcom/