శ్రియకి మరో లక్కీ ఛాన్స్ దక్కినట్లే

ఎంత ట్యాలెంటెడ్ బ్యూటీ అయినా.. శ్రియా శరణ్ కు అవకాశాలు అడుగంటిపోయిన మాట వాస్తవమే. 16 ఏళ్లకు పైగా కెరీర్ కంటిన్యూ చేసిన ఈ భామ.. ప్రస్తుతం అవార్డ్ ఫంక్షన్లలో డ్యాన్సింగ్ పెర్ఫామెన్స్ లలోనే ఎక్కువగా కనిపిస్తోంది. అలాంటి సమయంలో గౌతమిపుత్ర శాతకర్ణిలో ఛాన్స్ ఇచ్చి.. ఆమె కెరీర్ కి ఫుల్ టర్నింగ్ ఇచ్చేశాడు బాలయ్య.

వశిష్టీ దేవిగా శ్రియ పెర్ఫామెన్స్ అందరినీ ఆకట్టుకుంది. మరోసారి అందరి దృష్టి ఆమెపై పడేలా చేసింది. శ్రియలో ట్యాలెంట్ కానీ.. పెర్ఫామెన్స్ కానీ.. అందం కానీ.. గ్లామర్ కానీ ఏదీ తగ్గలేదని ప్రూవ్ చేశాడు శాతకర్ణి. ఈ మూవీ పిక్చరైజేషన్ సమయంలోనే.. బాలయ్య నుంచి శ్రియకు ఓ ఆఫర్ వచ్చిందట. 'మనం కలిసి మరో సినిమా చేయబోతున్నాం. ఈసారి కమర్షియల్ మూవీ చేద్దాం' అన్నారట బాలయ్య. ఇదే కనుక వాస్తవమైతే.. శ్రియకు లక్కీ ఛాన్స్ దక్కినట్లేయ

నందమూరి బాలకృష్ణ.. తన 101వ చిత్రంగా రైతు చేయాలని భావిస్తున్న సంగతి తెలిసిందే. అయితే.. శ్రియను ఈ మూవీ కోసమే తీసుకుంటారా.. లేక వేరే ప్రాజెక్టా అన్నది తేలాల్సి ఉంది. వెంటవెంటనే హీరోయిన్లతో సినిమాలు చేయడం బాలయ్యకు కొత్తేమీ కాదు. గతంలో నయనతార.. రాధికా ఆప్టేలతో ఇలా కంటిన్యూగా మూవీస్ చేశారు బాలయ్య. ఇప్పుడు శ్రియకు ఆ బంపరాఫర్ తగలనుందని టాక్.

Like Us on Facebook : https://www.facebook.com/Tupakidotcom/