టాలీవుడ్ లో వరుస విజయాలతో అపజయం ఎరుగని దర్శకుడిగా దూసుకుపోతున్నారు అనిల్ రావిపూడి. కమర్షియల్ కథలకు తనదైన శైలి కామెడీని జోడించి సినిమాలను తెరకెక్కించడం అనిల్ ప్రత్యేకత. అదే ఫార్మాట్ తో ప్రేక్షకులను మెప్పిస్తూ సక్సెస్ అవుతున్నారు. ఫస్ట్ సినిమా 'పటాస్' తో మొదలుపెట్టి.. 'సుప్రీమ్' 'రాజా ది గ్రేట్' 'ఎఫ్ 2' వంటి సూపర్ హిట్స్ అందుకున్నారు. గతేడాది 'సరిలేరు నీకెవ్వరూ' వంటి బ్లాక్ బస్టర్ ని తన ఖాతాలో వేసుకున్నారు.
ప్రస్తుతం అనిల్ రావిపూడి 'ఎఫ్ 2' ప్రాంఛైజీలో 'ఎఫ్ 3' సినిమా తెరకెక్కిస్తున్నారు. ప్రస్తుతం పోస్ట్ ప్రొడక్షన్ జరుపుకుంటున్న ఈ చిత్రాన్ని వచ్చే ఏడాది ఏప్రిల్ 29న రిలీజ్ చేయనున్నారు. దీని తరువాత నందమూరి బాలకృష్ణతో అనిల్ ఓ సినిమా చేయనున్నారు. ఇప్పటికే యంగ్ డైరెక్టర్ రెడీ చేసిన స్టోరీకి బాలయ్య సైడ్ నుంచి గ్రీన్ సిగ్నల్ వచ్చింది. కాకపోతే ఈ ప్రాజెక్ట్ సెట్స్ మీదకు వెళ్ళడానికి కాస్త సమయం పట్టే అవకాశం ఉందని టాక్ నడుస్తోంది.
'అఖండ' సినిమాతో భారీ విజయాన్ని అందుకున్న బాలకృష్ణ.. తన తదుపరి చిత్రాన్ని గోపీచంద్ మలినేని దర్శకత్వంలో చేయనున్న సంగతి తెలిసిందే. 'క్రాక్' తో బ్లాక్ బస్టర్ హిట్ అందుకున్న గోపీ.. వాస్తవ సంఘటనల ఆధారంగా బాలయ్యతో ఓ మాస్ యాక్షన్ ఎంటర్టైనర్ ను తెరకెక్కించడానికి సిద్ధం అవుతున్నారు. జనవరిలో షూటింగ్ మొదలుపెట్టి.. వచ్చే దసరా కానుకగా ఈ సినిమాను రిలీజ్ చేసే విధంగా ప్లాన్ చేస్తున్నారని తెలుస్తోంది. #NBK107 కంప్లీట్ అయితేనే బాలకృష్ణ మరో మూవీ స్టార్ట్ చేస్తారు.
అనిల్ రావిపూడి ఇప్పటికే 'ఎఫ్ 3' సినిమా షూటింగ్ పూర్తి చేశారు. బాలయ్య సినిమా మొదలు పెట్టాలంటే దాదాపు ఏడెనిమిది నెలల పాటు వెయిట్ చేయాల్సి ఉంటుంది. అలా కాదు అనుకుంటే ఈ గ్యాప్ లో మరో ప్రాజెక్ట్ చేయిచ్చు. మహేష్ బాబు లాంటి స్టార్ హీరోతోనే అతి తక్కువ రోజుల్లో సినిమా చేసిన అనిల్ కు అది పెద్ద కష్టమైన పనేమీ కాదు. ఒకవేళ నాలుగైదు నెలల్లో గోపీచంద్ మలినేని సినిమాని కంప్లీట్ చేయాలని బాలకృష్ణ నిర్ణయించుకుంటే మాత్రం.. అనిల్ సినిమా వచ్చే సమ్మర్ లోనే సెట్స్ మీదకు వెళ్లే అవకాశం ఉంది.
ఆలోపు కథ మీద మరింత వర్క్ చేయడానికి అనిల్ రావిపూడికి సమయం దొరుకుతుంది. బాలయ్యను కొత్తగా చూపిస్తానని అనిల్ చెబుతున్నారు. తనదైన శైలి ఎంటర్టైన్మెంట్ తో పక్కా మాస్ మూవీ చేస్తానని అంటున్నాడు. మరి నటసింహంతో బ్లాక్ బస్టర్ డైరెక్టర్ ఎలాంటి సినిమా చేస్తాడో చూడాలి.
ప్రస్తుతం అనిల్ రావిపూడి 'ఎఫ్ 2' ప్రాంఛైజీలో 'ఎఫ్ 3' సినిమా తెరకెక్కిస్తున్నారు. ప్రస్తుతం పోస్ట్ ప్రొడక్షన్ జరుపుకుంటున్న ఈ చిత్రాన్ని వచ్చే ఏడాది ఏప్రిల్ 29న రిలీజ్ చేయనున్నారు. దీని తరువాత నందమూరి బాలకృష్ణతో అనిల్ ఓ సినిమా చేయనున్నారు. ఇప్పటికే యంగ్ డైరెక్టర్ రెడీ చేసిన స్టోరీకి బాలయ్య సైడ్ నుంచి గ్రీన్ సిగ్నల్ వచ్చింది. కాకపోతే ఈ ప్రాజెక్ట్ సెట్స్ మీదకు వెళ్ళడానికి కాస్త సమయం పట్టే అవకాశం ఉందని టాక్ నడుస్తోంది.
'అఖండ' సినిమాతో భారీ విజయాన్ని అందుకున్న బాలకృష్ణ.. తన తదుపరి చిత్రాన్ని గోపీచంద్ మలినేని దర్శకత్వంలో చేయనున్న సంగతి తెలిసిందే. 'క్రాక్' తో బ్లాక్ బస్టర్ హిట్ అందుకున్న గోపీ.. వాస్తవ సంఘటనల ఆధారంగా బాలయ్యతో ఓ మాస్ యాక్షన్ ఎంటర్టైనర్ ను తెరకెక్కించడానికి సిద్ధం అవుతున్నారు. జనవరిలో షూటింగ్ మొదలుపెట్టి.. వచ్చే దసరా కానుకగా ఈ సినిమాను రిలీజ్ చేసే విధంగా ప్లాన్ చేస్తున్నారని తెలుస్తోంది. #NBK107 కంప్లీట్ అయితేనే బాలకృష్ణ మరో మూవీ స్టార్ట్ చేస్తారు.
అనిల్ రావిపూడి ఇప్పటికే 'ఎఫ్ 3' సినిమా షూటింగ్ పూర్తి చేశారు. బాలయ్య సినిమా మొదలు పెట్టాలంటే దాదాపు ఏడెనిమిది నెలల పాటు వెయిట్ చేయాల్సి ఉంటుంది. అలా కాదు అనుకుంటే ఈ గ్యాప్ లో మరో ప్రాజెక్ట్ చేయిచ్చు. మహేష్ బాబు లాంటి స్టార్ హీరోతోనే అతి తక్కువ రోజుల్లో సినిమా చేసిన అనిల్ కు అది పెద్ద కష్టమైన పనేమీ కాదు. ఒకవేళ నాలుగైదు నెలల్లో గోపీచంద్ మలినేని సినిమాని కంప్లీట్ చేయాలని బాలకృష్ణ నిర్ణయించుకుంటే మాత్రం.. అనిల్ సినిమా వచ్చే సమ్మర్ లోనే సెట్స్ మీదకు వెళ్లే అవకాశం ఉంది.
ఆలోపు కథ మీద మరింత వర్క్ చేయడానికి అనిల్ రావిపూడికి సమయం దొరుకుతుంది. బాలయ్యను కొత్తగా చూపిస్తానని అనిల్ చెబుతున్నారు. తనదైన శైలి ఎంటర్టైన్మెంట్ తో పక్కా మాస్ మూవీ చేస్తానని అంటున్నాడు. మరి నటసింహంతో బ్లాక్ బస్టర్ డైరెక్టర్ ఎలాంటి సినిమా చేస్తాడో చూడాలి.