మార్పు లేదు.. వాయిదా అసలే లేదు!

బెల్లంకొండ సాయి శ్రీనివాస్ హీరోగా నటించిన 'కవచం' సినిమాను మొదట డిసెంబర్ 7 న రిలీజ్ చేస్తామని ఫిలిం మేకర్స్ ప్రకటించారు. కానీ అదేరోజు తెలంగాణా రాష్ట్రంలో అసెంబ్లీ ఎన్నికలు ఉండడంతో కలెక్షన్స్ తగ్గుతాయని భావించి వాయిదా వేస్తున్నారని ఈమధ్య వార్తలు వచ్చాయి. ఇక ఫిలిం మేకర్స్ కూడా ఈ వార్తలను ఖండించక పోవడంతో 'కవచం' విడుదల వాయిదా పడినట్టేనని అందుకున్నారు.

కానీ నిర్మాతలు తాజాగా ఈ సినిమా రిలీజ్ డేట్ గురించి క్లారిటీ ఇచ్చారు.  ముందు అనుకున్నట్టుగా డిసెంబర్ 7 న సినిమాను రిలీజ్ చేస్తున్నామని ప్రకటించారు. దీంతో 'కవచం' రిలీజ్ విషయంలో నెలకొన్న కన్ఫ్యూజన్ దూరమైంది.  సినిమా రిలీజ్ డేట్ విషయం కన్ఫర్మ్ చేయడం కాకుండా ట్రైలర్ రిలీజ్ డేట్.. ఆడియో లాంచ్ ఈవెంట్ డేట్లు త్వరలో ప్రకటిస్తామని కూడా తెలిపారు.

కాజల్ అగర్వాల్.. మెహ్రీన్ లు హీరోయిన్లు గా నటిస్తున్న ఈ చిత్రంలో నీల్ నితిన్ ముకేష్.. హర్షవర్ధన్ రాణే ఇతర ముఖ్యపాత్రలు పోషిస్తున్నారు. థమన్ ఈ సినిమాకు మ్యూజిక్ డైరెక్టర్. ఈ చిత్రానికి శ్రీనివాస్ మామిళ్ళ దర్శకుడు. నవీన్ శొంటినేని ఈ సినిమాను నిర్మిస్తున్నాడు.