ఆ కుర్రాడి పక్కనే కీర్తి??

మలయాళీ భామ కీర్తి సురేష్ కి టాలీవుడ్ లో క్రేజ్ అంతకంతకూ పెరుగుతోంది. నేను శైలజతో ఎంట్రీలోనే భారీ సక్సెస్ సాధించిన ఈ భామ.. రీసెంట్ గా నేను లోకల్ అంటూ నానితో చేసిన సందడికి బ్లాక్ బస్టర్ కట్టబెట్టేశారు ప్రేక్షకులు. దీంతో ఈ మలయాళీ కుట్టికి విపరీతమైన డిమాండ్ ఏర్పడిపోయింది. ఇప్పటికే పవన్ కళ్యాణ్ సినిమాను తన ఖాతాలో వేసుకున్న ఈ భామ.. మహేష్ బాబు సినిమా కోసం కూడా చర్చల్లో ఉంది.

అయితే స్టార్ మెటీరియల్ అయ్యేందుకు తగిన రీతిలో తన శరీరాన్ని మౌల్డ్ చేసుకునేందుకు తెగ వర్కవుట్స్ చేస్తోంది కీర్తి సురేష్. ఇప్పుడీ భామకు మరో భారీ ఆఫర్ దక్కింది. బెల్లంకొండ సురేష్ తనయుడు శ్రీనివాస్ హీరోగా రూపొందనున్న మరుసటి చిత్రంలో హీరోయిన్ ఆఫర్ ను కీర్తి సురేష్ కే కట్టబెట్టినట్లు తెలుస్తోంది. బెల్లంకొండ శ్రీనివాస్ సినిమాల్లో హీరోయిన్లకు భారీ రెమ్యూనరేషన్ తో పాటే మంచి రోల్స్ కూడా దక్కుతుంటాయి. ఇలాంటి ఓ ప్రామిసింగ్ రోల్ కావడంతో ఇంట్రెస్ట్ చూపించిందట కీర్తి.

శ్రీవాస్ దర్శకత్వంలో రూపొందనున్న ఈ చిత్రంలో.. కీర్తినే లీడ్ హీరోయిన్. ఈ ఏడాది ద్వితీయార్ధంలో ఈ ప్రాజెక్టు ప్రారంభం కానుందని తెలుస్తోంది. ప్రస్తుతం బోయపాటి శ్రీను తో సినిమా చేస్తున్న బెల్లంకొండ.. అది పూర్తి కాగానే శ్రీవాస్ మూవీని మొదలుపెట్టబోతున్నాడు. ప్రస్తుతం ఈ ప్రాజెక్టుకు సంబంధించిన ప్రీ ప్రొడక్షన్ పనులు శరవేగంగా సాగుతున్నాయి.

Like Us on Facebook : https://www.facebook.com/Tupakidotcom/