గురువుకి చేదోడువాదోడుగా నిలుస్తున్న 'భీష్మ' డైరెక్టర్..?

త్రివిక్రమ్ శ్రీనివాస్ వద్ద వర్క్ చేసిన వెంకీ కుడుముల 'ఛలో' సినిమాతో దర్శకుడిగా ఇండస్ట్రీలో అడుగుపెట్టాడు. తొలి సినిమాతోనే మంచి విజయం సాధించి అందరి దృష్టిని ఆకర్షించాడు. ఈ క్రమంలో రెండేళ్ల గ్యాప్ తర్వాత 'భీష్మ' సినిమాతో ప్రేక్షకుల ముందుకు వచ్చాడు. నితిన్ హీరోగా నటించిన ఈ సినిమా గతేడాది బ్లాక్ బస్టర్ అయిన చిత్రాల్లో ఒకటిగా నిలిచింది. రెండు వరుస విజయాలు అందుకున్న వెంకీ నెక్స్ట్ ప్రాజెక్ట్ ఏంటని అందరూ ఆసక్తిగా ఎదురుచూస్తున్నారు. వెంకీ కుడుముల సినిమా చేయాలని చూసిన స్టార్ హీరోలు బిజీగా ఉండటంతో మూడో సినిమాపై క్లారిటీ రావడం లేదని తెలుస్తోంది.

అయితే ఇప్పుడ‌ప్పుడే వారి డేట్స్ దొరికే ఛాన్స్ లేక‌పోవ‌డంతో, యువ దర్శకుడు ఇప్పుడు త‌న గురువుకు చేదోడువాదోడుగా ఉంటున్నాడని సినీ వర్గాల్లో కామెంట్స్ వినిపిస్తున్నాయి. ఈ క్రమంలో త్రివిక్ర‌మ్ కి స్టోరీ - డైలాగ్స్ త‌దిత‌ర విష‌యాల్లో హెల్ప్ అవుతున్నాడ‌ని టాక్ నడుస్తోంది. త్రివిక్ర‌మ్ కి రైట్ హ్యాండ్ మాదిరిగా నిలిచిన కోడైరెక్ట‌ర్ స‌త్యం ఇప్పుడు లేకపోవడంతో.. ఆయ‌న లేని లోటును త‌న వంతుగా పూరించ‌డానికి వెంకీ కుడుముల ప్ర‌య‌త్నిస్తున్నాడ‌ని ఫిలిం సర్కిల్స్ లో కామెంట్స్ వస్తున్నాయి. అలానే తన తదుపరి సినిమాని ఓ మీడియం రేంజ్ హీరోతో చేసే అవ‌కాశం ఉంద‌ని కూడా అంటున్నారు.