తెలుగులో భామల వన్ ఫిలిం వండర్స్

బాలీవుడ్ భామలను టాలీవుడ్ కి పిలుచుకురావడం ఆనవాయితీ. ఎప్పటినుంచో ఉన్న ఈ చరిత్రను ఇప్పటికీ కొనసాగిస్తూ ఉంటారు మన మూవీమేకర్స్. ఏ విషయాలు పాటించినా పాటించకపోయినా.. ఈ పద్ధతిని మాత్రం ఇంకా ఎక్కువగా ఫాలో అయిపోతుంటారు. అయితే.. చాలా మంది హీరోయిన్లు.. టాలీవుడ్ కి వచ్చినా.. కేవలం ఒకే సినిమాతో సరిపెట్టేశారు.

వీరిలో ఫస్ట్ కంగనా రనౌత్ ని చెప్పుకోవాలి. డబ్బుల కోసం తెలుగు సినిమా ఏక్ నిరంజన్ చేశానని ఓపెన్ గా ఒప్పుకుంది కంగనా. ఇక నాగార్జున క్రిమినల్ లో మనీషా కొయిరాలా.. మహేష్ బాబు అతిథిలో అమృతారావు.. నాగార్జున మూవీ సూపర్ లో అయేషా టకియా.. మహేష్ బాబు టక్కరిగొంగలో బిపాషా బసు.. శ్రీకాంత్ మనసులో మాటలో మహిమా చౌదరి.. రామ్ చరణ్ తుఫాన్ లో ప్రియాంకచోప్రా.. వెంకటేష్ శీనులో ట్వింకిల్ ఖన్నా.. నాగార్జున సినిమా రావోయి చందమామలో ఒక పాటలో ఐశ్వర్యారాయ్ కనిపించారు.

కానీ వీళ్లెవరకూ మళ్లీ తెలుగు సినిమా వంక కన్నెత్తి చూడలేదు. ఇక్కడ నచ్చలేదో.. ఇక్కడ పద్ధతులు నచ్చలేదో.. లేక వచ్చిన టార్గెట్ పూర్తయిపోయిందని అనుకుంటారో తెలీదు కానీ.. మళ్లీ రెండో సినిమా చేయాలనే ఆలోచన కూడా చేయలేదు చాలామంది బాలీవుడ్ భామలు. 

Like Us on Facebook : https://www.facebook.com/Tupakidotcom/