ఫొటోటాక్‌ః బాలీవుడ్‌ స్టార్ కపుల్‌ ముద్దులతో కొత్త సంవత్సర శుభాకాంక్షలు

కొత్త సంవత్సరం సందర్బంగా బాలీవుడ్‌.. టాలీవుడ్‌.. కోలీవుడ్‌ ఇలా అన్ని భాషల స్టార్స్‌ వారి వారి అభిమానులకు శుభాకాంక్షలు తెలియజేశారు. అయితే ఒకొక్కరు ఒక్కో విధంగా కొత్త సంవత్సర శుభాకాంక్షలను తెలియజేయడం జరిగింది. బాలీవుడ్‌ స్టార్‌ కపుల్‌ అయిన సైఫ్‌ అలీ ఖాన్‌ మరియు కరీనా కపూర్‌ ఖాన్‌ లు విభిన్నంగా శుభాకాంక్షలు తెలియజేశారు. ఈ సందర్బంగా వారు తమ ఫొటోలను సోషల్‌ మీడియాలో షేర్‌ చేశారు. వారి బాబు తైమూర్ ను ఒడిలో కూర్చోబెట్టుకుని మరీ సైఫ్ అలీ ఖాన్‌ మరియు కరీనా కపూర్‌ లు ఫొటోలకు ఫోజులు ఇచ్చారు. తన బాబు మరియు భార్యపై సైఫ్‌ అలీ ఖాన్‌ చూపించిన ప్రేమకు అంతా ఫిదా అవుతున్నారు.

ఇక సైఫ్‌ అలీ ఖాన్‌ సినిమాల విషయానికి వస్తే వచ్చే ఏడాది రెండు మూడు సినిమాలతో ప్రేక్షకుల ముందుకు వచ్చే అవకాశం ఉంది. ఇక ప్రభాస్‌ నటించబోతున్న భారీ బడ్జెట్‌ మూవీ ఆదిపురుష్‌ లో విలన్ గా రావణాసూరుడు పాత్రలో ప్రభాస్‌ తో ఢీ కొట్టేందుకు సైఫ్‌ అలీ ఖాన్‌ రెడీ అవుతున్నాడు. ఇప్పటి వరకు చూసిన రావణులకు ఆదిపురుష్‌ రావణుడికి చాలా తేడా ఉంటుంది అంటూ ఇటీవలే సైఫ్‌ అలీ ఖాన్‌ వ్యాఖ్యలు చేసి ఆదిపురుష్‌ పై అంచనాలు ఆకాశానికి తాకేలా పెంచేశాడు.