టాలీవుడ్ లో సూపర్ స్టార్ సందడి మొదలైపోయింది. మహేష్ బాబు మూవీ బ్రహ్మోత్సవం కోసం ప్రచార కార్యక్రమాలు కూడా టాప్ గేర్ లో ఉండడంతో.. సినిమాపై అంచనాలు కూడా ఆకాశాన్నంటే స్థాయిలో ఉన్నాయి. చాలా ప్లాన్డ్ గా, ఆర్గనైజ్డ్ గా మహేష్ స్వయంగా ఇంటర్వ్యూలు ఇస్తుండడం చూస్తే.. ఈ సినిమాతో మహేష్ ఎన్ని రికార్డును టార్గెట్ చేశాడో అర్ధమవుతుంది.
ప్రస్తుతం బ్రహ్మోత్సవం పోస్ట్ ప్రొడక్షన్ వర్క్స్ ఫుల్ స్వింగ్ లో ఉన్నాయి. ఎట్టి పరిస్థితుల్లోనూ ఆదివారం సాయంత్రం కల్లా ఫస్ట్ కాపీ చేతిలోకి రావాలనే పట్టుదలతో పని చేస్తోంది యూనిట్. మే 20న రిలీజ్ కి డెడ్ లైన్ పెట్టుకోవడంతో.. సోమవారం నాటి కల్లా సెన్సార్ పూర్తి చేయాలని నిర్ణయించారు. ఇప్పటికి ఉన్న అంచనాల ప్రకారం అయితే.. క్లీన్ యూ రావడం ఖాయమనే మాట వినిపిస్తుండగా... టాక్ విషయంలో సెన్సార్ రోజున ఓ క్లారిటీ వచ్చే ఛాన్స్ ఉంది.
మహేష్ బాబు సినిమాల్లోనే అత్యంత భారీగా వెచ్చించి నిర్మించిన బ్రహ్మోత్సవంకు.. మిక్కీ జే మేయర్ అందించిన పాటలు బాగా ప్లస్ అయ్యాయి. శ్రీకాంత్ అడ్డాల- మహేష్ బాబు కాంబినేషన్ పై ఇండస్ట్రీలో అంచనాలు టాప్ రేంజ్ లో ఉన్నాయి. ఈ అంచనాలకు బ్రహ్మోత్సవం ఏ మేరకు రీచ్ అయిందో డీటైల్స్ కావాలంటే.. సోమవారం నాటి సెన్సార్ వరకూ ఆగక తప్పదు.