ఆ స్టార్ హీరోకి విల‌న్ గా యంగ్ హీరో!

బాలీవుడ్ లో 'డాన్ -3' కి రంగం సిద్ద‌మ‌వుతోన్న సంగ‌తి తెలిసిందే. ఈసారి షారుక్ ఖాన్ స్థానంలో ర‌ణ‌వీర్ సింగ్ డాన్ గా మెప్పించ‌బోతున్నాడు. రెండు భాగాల్లోనూ షారుక్ న‌టించి మెప్పించ‌గా ఇప్పుడా బాధ్య‌త‌లు ర‌ణ‌వీర్ తీసు కున్నాడు. ప‌ర్హాన్ అక్త‌ర్ ద‌ర్శ‌క‌త్వం లో ఈ చిత్రం తెర‌కెక్క‌బోతుంది. ఇందులో ర‌ణ‌వీర్ కి జోడీగా పాపుల‌ర్ బ్యూటీ కియారా అద్వాణి ని రంగంలోకి దిగుతుంది. ఎక్స్ ఎల్ నిర్మాణ సంస్థ ప్ర‌తిష్టాత్మ‌కంగా నిర్మిస్తుంది.

మ‌రి ఈ డాన్ ని ఢీకొట్టే ప్ర‌తినాయ‌కుడు ఎవ‌రు? అన్న‌ది ఇంత వ‌ర‌కూ ఎక్క‌డా చ‌ర్చ‌కు రాలేదు. ప్రాజెక్ట్ ఇంకా ప్రీ ప్రొడ‌క్ష‌న్ స్టేజ్ లోనే ఉండ‌టంతో? ఈ డిస్క‌ష‌న్ రాలేదు. అయితే ప్ర‌తి నాయ‌కుడి పాత్ర‌కు యంగ్ హీరో విక్రాంత్ మాస్సేని తీసుకుంటున్న‌ట్లు స‌మాచారం. మేక‌ర్స్ విక్రాంత్ తో చ‌ర్చ‌లు జ‌రుపుతున్న‌ట్లు బాలీవుడ్ మీడియాలో ప్ర‌చారం జ‌రుగుతోంది. 'ట్వెల్త్ పెయిల్' లో విక్రాంత్ ది బెస్ట్ పెర్పార్మెన్స్ చూసి ఈ ఆఫ‌ర్ ద‌ర్శ‌కుడు ప‌ర్హాన్ అక్త‌ర్ అత‌డికి ఇస్తున్న‌ట్లు స‌మాచారం.

ర‌ణ‌వీర్ పాత్ర‌కి మెయిన్ విల‌న్ గా విక్రాంత్ అయితే బాగుటుంద‌ని..తాను రాసుకున్న పాత్ర‌కు అత‌డు ప‌ర్పెక్ట్ గా సూటవుతున్నాడ‌ని చిత్ర వ‌ర్గాల నుంచి వినిపిస్తుంది. అయితే ఈ విష‌యాన్ని ఇంకా విక్రాంత్ మాస్సే గానీ, మేక‌ర్స్ గానీ ధృవీక‌రించ‌లేదు. ఓ పాడ్ కాస్ట్ లో ప‌ర్హాన్ అక్త‌ర్ ర‌ణ్ వీర్ సింగ్ ఎంట్రీ గురించి వ్యాఖ్యానించారు.

షారుక్ త‌ర్వాత ఈ సిరీస్ లో త‌ర్వాత త‌రం న‌టులైతే బాగుంటుంద‌ని ర‌ణ్ వీర్ ని ఎంపిక చేసుకున్న‌ట్లు తెలిపారు. ర‌ణ‌వీర్ అయితే రొమాంటిక్ గానూ..శ‌క్తివంతంగానూ ఆ పాత్ర‌కి త‌గ్గ న‌టుడిగా చెప్పుకొచ్చారు. ప్రస్తుతం ప్రీ-ప్రొడక్షన్‌లో ఉందని వెల్లడించారు. వ‌చ్చే ఏడాది మార్చిలో సినిమా ప్రారంభ‌మ‌వుతుంద‌ని తెలిపారు.